شاورما الدجاج ...........

شاورما الدجاج

المقادير :-

نص كيلو صدور دجاج . برتقالة. ليمونة . زيت نباتي حوالي 4 ملاعق .بصلة كبيرة . 3ملاعق زبادي او نص كوب لبن رايب. 2-3فص ثوم كبير . نص كوب صلصة . ملح .بهارات







البهارات دي حاجة راجعة لذوقك الشخصي . وممكن نستخدم ظرفين من بهارات الشاورما الجاهزة . لكن بفضل البهارات المنفصلة عن بعض وانا احوج براحتي بهاراتي للشاروما لذيذة جربيها ومقدارها معلقة صغيرة من كل نوع





صدور الدجاج بتتغسل بشكل جيد وتتنقع شوية في دقيق وملح وخل منعاً لأي زفارة






وتتقطع بشكل طويل على شكل شاورما بيكون أسهل جداً .






في خلاط العصير نضيف (البرتقالة والليمونة بعد التقشر . البصل . الثوم)






نصفي الخليط بهذا الشكل






ونضيف الزبادي والصلصة






البهارات والزيت و(لا يوجد ملح)





ننقع الدجاج في الخليط ما لا يقل عن يوم بليلة. وشخصياً بفضل على الاقل يومين. علشان التتبيلة تتركز بشكل جيد



طبخ الشاورما"-


بما اننا نقعنا الدجاج لفترة طويلة يبقى مش حياخد وقت طويل في التسوية . وكمان كل ما كان طبخ الشاورما سريع وعلى نار عالية بتدي نكهة الذ. في طاسة بنحط شوية زيت نباتي حوالي معلقتين فقط. ونسخنها كويس ونحط الشاورما مع التتبيلة بتاعتها . ونسيبها على نار عالية لحد ما السائل يتبخر والفراخ تستوي شوفي كدة الصور بالتسلسل الصحيح (وما ننساش نظبط الملح) لاني التتبيلة كانت من غير ملح علشان الفراخ ما تنشفش وقت النقع










لاحظي الفراخ بعد ما استوت . الماء تبخ والنكهة تركزت بشكل جميل





صوره مقربة . لاحظي التتبيلة مغلفة كل قطع الفراخ بشكل جميل وده المطلوب .






في طريقة تانية . ننقع صدور الدجاج زي ما هي من غير تقطيع . لكن حتحتاج لوقت اطول بسبب سماكة القطع. ووبعد كدة حنصفيها من التتبيلة ونشويها على الجريل وبعد كدة نقطعها لشراح ونشوها شوية في طاسة مع شوية زيت. جربتها لذيذة بس الطريقة السابقة هي الالذ وأسهل وأسرع بكتير جداً جداً



لعمل ساندوتش الشاورما اختاري الي تحبي لكن الاتفاقيات الدولية بتقول اني الحشوة كالتالي:-
(شاورما. طماطم.خس.خيار مخلل.طحينة.بطاطس مقلية)






لون ونكهة الدجاج لذيذة جدا . والبرتقال فرق جداً جداً في التتبيلة .

يسلموووووووووووووووووووووووووووووووووو

الجوع كافر وانا مجبور اقلك الف شكر موضوع مميز وفي وقته

نيره اسماعيل ، اخي الجندي
تسلمون على مروركم الرائع