الذمــــــــــــولـ الصنعانيـ ...... خطواتـ مصورهـ ...~

هذه طريقة الذمول الصنعاني

اولا المقادير لصنع ست الى سبع حبات ذمول متوسطة الحجم
كما في الصوره اخر الموضوع

المقادير


نص كيلو طحين
ربع كيلو دقيق
حبتين بيض
ملح وقحطه وخميره
سمن

هذه هي المكونات والمقادير



=-=-

الان الطريقه

نخلط الطحين مع الدقيق مع الملح والقحطه والخميره في وعاء
وبعد خلطهن نفتح في الوسط ونسكب البيض ونخلطهن مع قليل ماء دافئ
ونضيف السمن بنفس مقدار الماء او اقل بقليل
ونعجن الخليط لما قد العجينه متماسكه ونخليها بعدين تخمر


وبعدا نقطعها في صحن على شكل كور وبعدا نمدهن كما في الصوره هذه





في الوقت هذا بنكون قد لصينا التنور وخليناها تحمى شويه


الان ندهن الوجهين ببيض مخلوط على قلييل ملح ونطرحهم في التنور بلصقهم
في جوانب التنور كما في الصوره هذه




وبعدا نوطي النار اذا تشتو شاحطات ( مقرمشات ) وطو النار
واذا رطبات ( لينات ) علو النار شويه


لما تبسرو ان الوجهين اتحمرو مثل الصوره هذه



نخرجهن الان من التنور ونطرحهن في غطاء يبردو شويه وبعدين نطرحهن في الغطاء ونلفهن
بالقواره كما في الصوره هذه


ونقدمها مع الشاهي او البن او القهوه



وخلاص وصلى الله وسلم عليك ياحبيبي يانبي




وبالهناء والشفاء

ماشاء الله عليك ياصنعا روحي
تفاجئينا دايماً بالأطباق اليمنيه
يسلمو داياتك خيتو
تقبلي مروري

اللــــــــــــــــه
خورتيني للذمول حق امي قدلي منه خيرات

امانة ذمول يرد الروح - شككككككككككككراً أختي صنعاء روحي

حياااكن الله يااابنااوت على المروور الحاالي

ايشو الذمول هذا يا صنعاء ؟؟
اول مره اسمع الاسم هذا

حياك ابو فهد

كشكل اعرفه وامي كل فترة تعمله .. بس الاسم غريب اول مرة اسم باسمه

امي تسميه ملوجه اعتقد بس تصحى بسالههاا واتاكد منهاا ^^

تسلمييييييين ياااعمري مااااااااااااقصرتي

لاا يااهيااا الملووجه غير وهذااا غير فرق شااسع

المشاركة الأصلية كتبت بواسطة صنعاء روحي

حياك ابو فهد

الله يحييك
بس ما قلتي لي ايش يسموه في المناطق الثانية غير صنعاء