يا زمان التباعد ليه هذا العنادي !!

يا زمـان التباعــد ليه هذا العنـادي
وين ذاك الزمـان خاطري استعيده

ذكرياتي الجميلة ساكنة في فؤادي
ليت ياناس ترجع كل لحظة سعيده

فرقتنا الليالي والوصـل فــي رقادي
حالنا اليوم مزري والمــواجع عديده

التجافي غرور ..فـي سلوم المبـادي
والتواضع ثقة .. فـي العلوم الاكيده

ليــه نجرح بعضنا ليه هذا التمادي
واختفى مصطلح العضيد وعضيده

وين معنى التسامح وطيب الودادي
المعادن تبان في الظروف الشديـده

ليه نحسد بعضنا ..يـــاطيـر شادي
الله يهدي عبــاده والله يرزق عبيده

النوايا السليمه ..رزقها في ازديـادي
والنوايا الخبيثة ..مــايبارك رصيده

لا تعيش بغباء وانت ذيب وقيــادي
لا تصير تــابـع .... او موزع جريده
لا تصير تــابـع .... او موزع جريده


بونصر ✍

رائع جدا ماخطه قلمك
صح لسانك على الطرح المتميز

يا زمـان التباعــد ليه هذا العنـادي
وين ذاك الزمـان خاطري استعيده

ذكرياتي الجميلة ساكنة في فؤادي
ليت ياناس ترجع كل لحظة سعيده
القصيده جميله صح لسانك اجدت وابدعت

ابيات رائعة وجميله
صح لسانك لاهنت

صح لسااانك

كلمات جميلة جداا
صح لسانك و علأ شأنك ..