أنا لو لاك لحن الهجر والفرقا ما غنيت

فمان الله يا دربٍ على الهجر يتحرّاني
خذاه الوقت من جنبي ولا جاني ولا جيته

قصيدي يا قصيدي اسكن فـ قلبي طرف ثاني
قبل يسكن بيوتي جِنّه وتمسي عفاريته

تعال اسأل نجوم الليل يا هاجر من ألهاني
وأنا أعلمّك بالوقت الطويل وكيف قضيّته

بغيت أقو على بعدك وراح الصبر ما أمداني
أهز الشوق وإن طاح الوله بالحضن ضمّيته

ربيعي يا خريفي يا شتاي وصيفي الهاني
تراك أنت الفصول وهجرة الشاعر وتشتيته

فضت كل الشوارع ما لقيت اللي تريّاني
مثل طفلً طلع يلعب ورّد وما لقى بيته

تحدّاني.. تحدّاني.. يالغلا لا تحّداني
أنا لولاك لحن الهجر والفرقا ما غنيّته

تمنيّتك وقلت فـ خاطري ليته تمنّاني
وأنا ما كل واحد شافته عيني تمنيّته

على كيفك تذكّرني.. على كيفك تناساني
وأنا طاريك ولا يوم في قلبي تناسيته

زرعتك وردة ٍ حمرا تزّين كل بستاني
ودفنت القلب في تربة مشاعرنا وخليته

أنا المجني عليه اللي يقدّر طعنة الجاني
لأن جرحه يذكّرني بطاريّه .. لا حسّيته

بسم الله الرحمن الرحيم

السلام عليكم,,,




http://www.friendawy.com/file/sns_up...9%84%D9%83.gif






كل التقدير.

شكرالك اختي الغالية