.......دم العشق..........

سِلّي سيوف الشوق كلّـي نياشيـن
,,,,, ومن ويـن مـاودّ الغـرام اطعنينـي

***

إن كان دمّ العشق يامنوتي ديـن !
,,,,, فِـدْوه ولـو حتّـى بعـد تقتلينـي

***

تعبت أدوّرني مع النّـاس عاميـن
,,,,, تعبت أردّد للمخاليق .. " وينـي " ؟

***

عيني تغورق في غيابـك غيابيـن
,,,,, غيبة غلاي وغيبتك وسْـط عينـي

***

عجزت أمنّي فرحتي باللقـا.. ليـن
,,,,, صاب الورق من معمعتنـا كنينـي

***

من روحتك ياغلا غلا لين هالحيـن
,,,,, وآنا أشوفك حِلْم .. بينـي وبينـي

***

أهلاً هلابك عـدّ مـا هلّـت العيـن
,,,,, واكثر من اللّوعـات حـزّة ونينـي

***

واكثر من مْحارب رقادي وجفنيـن
,,,,, واكثر من اطيافك بعد مـع حنينـي

***

ياغايبه عقب البطا ... بسّ تكفيـن
,,,,, دامك عرفتي واقعـي مـن دفينـي

***

لاعاد يا حبّي على القلب .. تبطيـن
,,,,, نبضَه يردّد في غيابـك .. ضنينـي !

***

أبيك من ودّك .. تردّين قلبين
,,,,, وانا على ودّك .. مثل ما تبيني

***

سِلّي سيوف الشوق كلّـي نياشيـن
,,,,, ومن وين ماودّك .. " أبي تطعنيني "

سِلّي سيوف الشوق كلّـي نياشيـن
,,,,, ومن ويـن مـاودّ الغـرام اطعنينـي

***

إن كان دمّ العشق يامنوتي ديـن !
,,,,, فِـدْوه ولـو حتّـى بعـد تقتلينـي

الله على روووعه هذا الكلام

تسلم ايدك اخي على النقل

تحياااتي لشخصك

صعب المنال
تسلم يا الغالي على المرور الكريم

سمووو

طرحت فاابدعت قصيده لها رونق وجمال

من نوع رااقي سلمت اخي

تحياتي

تسلم اخي فضل على المرور الكريم