هذا قدري وراضي فيه

ربي خلق الكون وكتب في الدنيا مصير الكل عليه

وإن كان في الدنيا هذا قدري راح أرضى فيه

لكن جعل الأسباب وتركلك عقلك تتخير

وجعل ربي العقاب للعاصي حتى يتغير

زي قلبك لما ينبض مالك أي اختيار

لكن يلين أو يقسى جعلك حر و انتا تختار

تقدر تجرح أو تكذب تحرق غيرك بالنار

تقدر تجعل من قلبك بيت يتحول أجمل دار

هذا اللي خلاني في الدنيا أتعلم درس

خلاني أغير في حياتي أمور خلتني أحس

إتعلمت إني ما أبالغ في معزة أي إنسان

يمكن يرحل انو نتفارق في يوم واكون ندمان

قررت امسح جرحي وارحل بعدها وقراري قدام الكل

ماني مجبر احزن أو ابكي و أذوق أنواع الذل

وابدأ في حياتي خطوه جديدة وأكمل وأنسى المر

وأقولك برحل وأبقى بعيد وأعيش من بعدك حر

من صغري كنت اسمع كلمات تتردد دوم تقول

لا يخدعك الظاهر في الناس لأنه يمكن يزول

مو كل شي الواحد يحب شكله يمسح ويزيل الهم

طرف السكين رغم انه ناعم إن لمسك راح تنزف دم

و الدواء رغم انه مر ربي جعله سبب يشفيك

لاتجعل كل همك في المظهر لأنه راح يغريك

لو ودك تسعد في الناس المظهر ماهو مقياس

المطره مجرد موية وقطرتها تسعد كل الناس

و نصيحة لكل إنسان إذا حبيت ابدا لا تخون

ثمن الخيانة غالي ما يعاقب فيها القانون

راح يبقى عليك الدين ويخونك اللي يهواك

حتى لو طال الوقت قدرك يرجع يستناك