أنا يابحر ماجيتك فضى ولمشاهدك شفقان

أنا يابحر ماجيتك فضى ولمشاهدك شفقان ... أناجيتك أبنسى الياس وبعـض الهـم يبارينـي

على جالك انا جالس اسامر موجك الغضبان ... أسولف له عن اوجاعي وعناي وغربه سنيني

علامك يابحر غاضب علامك تصرخ بكتمان .. انا جيتـك ابشكيلـك وابـي منـك تواسينـي

أنا مثلك بحر لكن وسط نفسي انا غرقان ... تعبت ابحـر مـع نفسـي واسالهـا انـا وينـي

انا محتار في وصفي ومع نفسي انا حيران .. انا لاقـادر افهمهـا وهـي تجهـل مضامينـي

أنا مليت من حزني وتعبت ابحث عن السلوان .. ولاضنيت به شـي عـن احزانـي يسلينـي

احس ان الحزن عالم بحورة وصحوة ووديان.. تخيل يابحر حجمه اذا حجمـه سكـن فينـي

تصور لو شقا الدنيا تجمع في كيان انسان ...تصدق مابقى بالكون اسى مابـات فـي عينـي

ترى كل الحزن لو غاب وراح لاخر الاوطان .. يغيب ويرتحل لحظات ويرجع يستقر فينـي

أنا اخر فصول الحزن وأنا لدروبه العنـوان ... وانـا اخـر عزوفاتـه واصواتـه تغنينـي

انا والليـل والغربـه تعانقنـا مثـل الاخـوان ... ليلـي كـل آهاتـي وللغربـه عناوينـي

تعبت اسقى ثرى احلامي وأزرع بالوهم بستان ... تعبت ولانبت زرعي وتعبت وجفت بساتيني

جحدني حظي العاثر رماني بسكه الحرمان ... جحدنـي ولامـرة علـى الفرحـه يرسينـي

ألايابحر جاوبني وش اخر هذي الاحزان .. وش اخر رحله أوجاعي وعناي وغربـه سنينـي

كلمات رائعه جدا جدا
سلمت اناملك اختي الفاضله
واصلي بدون فواصل
يعطيك الف عافيه

كم سعدت بحضورك الطيب اخي الف شكر لك شرفني مرورك

صح لسانك تقبلي منى كل التقدير

انا والليـل والغربـه تعانقنـا مثـل اﻻ‌خـوان ... ليلـي كـل آهاتـي وللغربـه عناوينـي

مبدعه غاليتي
سلمتِ يداكِ على روعة ابداعك
بانتظار الجديد
مودتي

اهلا بكم مروركم شرفني نورتو