ضمه على غفله

لاتجفل ان كان ضميتك علـى غفلـه
وحنا بفصل الشتاء والنـاس بردانـه



بحط صدري على صدرك يسولف لـه
من عقب فرقاك وش سوت به احزانه



ووشلون ممكن تلاعب بالرجل طفلـه
وتزيغ عقلـه وكيـف تعقّـل جنانـه



الحزن عقبك مسوي بالصـدر حفلـه
ودايم غياب المـلاك يسـرّ شيطانـه



الهم ينزف شعر والضيق يعـزف لـه
قد شفت صدر يتراقص حزن شريانه؟؟



يامرحبا باللذي مدري وش اوصف له
فرحة لقاه او كـدر بعـده وحرمانـه



احـن لـه واتـودد واتلطّـف لــه
واهديـه فلـه ويشمومـه وريحانـه



وادوّر ازكى ورود الشعر واقطف لـه
ياخـذ بـلا حـد والبستـان بستانـه



مااتعب ليا جيت اباكتب واتكلـف لـه
معه تماتيك شعـري يعـزف الحانـه



من بحر شعري مغير اصب واغرف له
واعطيـه دره وياقوتـه ومرجـانـه



الجزء الايسر بصدري له ولـه قفلـه
وهـوّ وضميـره بـزوّاره وسكّانـه



ان صانـه االله يهنيـه يتعفـف لـه
وان خان بصره * ولاهي بـاول خيانـه



لكن ليا جيت ابا اضمه علـى غفلـه
لايجفل ..القلب شايف جور حرمانـه

صح لسانك قصييييده جمييله دمت ودامت بريق اطروحاتك الف شكر

صح بوحك وسلم بنانك وقواك الباري ..

جميله وسلسه .. زاكيه المعاني ..

راقت لي كثيرا عزيزي ..

وماعدمناك يارب

ودي *_^

كلمات رائعه
بوزن وقافيه الحب والحمين لتلك المضنون
صح الله لسااانك وعاافاك
لك اجمل تحيه

صح لسانك
كلمات في قمه الروعه والجمال
بكم يجد الحرف موضعه من الشعر البليغ ..
اهنيك علي شاعريتك الجميلية

الشرقيه
همس
اليافعي
دمعة قلم
بارك الله فيكم وبكم وعليكم ولكم
مرور اكثر من رائع بل يتعدا
روعة القصيده
دمتم عين رقيبه لكل جميل

كلمات رائعة اخي الدفــأ
استمتعنا بحروفك الزاهية
بقوافيها ومعانيها الجميلة
راقت لي كثيراً
بانتظار جديد بوحكـ
خالص ودي