قصيدة للشــــــــــاعر ابورهف محمد عبد الله الناعري بعنوان العولمة

فرقونا الغرب لاحزاب واجناس وحدود


وقسمونا لين صرنا دول متباعده


اشعلوا نار التفرق وزادوها وقود


تحت اسم العولمه ما وجدنا فايده


التعاير صار مبني على عدة بنود


والجواز اظهر علينا مشاكل واجده


مره اذكر وقتها كان في جيبي نقود


كنت كاشخ راكب فوق لكزس وارده


أتسلى وأتمشى مع وقت البرود


مقصدي أنسى طواري بقلبي راكده


وشفت انا المزيون يمشي وفي يده ورود


وقلت انا يا الله عيوني عليهم بارده


لدت عيون المها قلت من وين العنود


قالت اني من هل الدار ماني وافده


قلت مرحب عد ما المزن من نوه يقود


شوفكم صدفه لنا والظروف محايده

.
يا السنافي لو تكرمت يا صافي الخدود


وين ان ضيعت الورد نحب نشاهده


جوبت قالت خذ الرقم مني والورود


واتصل بي لو تفضلت مره واحده


واستمرينا وزحنا الحواجز والسدود


واندمجنا في وداد ومحبه جامده


قالت محمد الى من قبيلتكم تعود

قلت من ارض اليمن والديار الخالده


واختلف وزن الكلام وشفت انا بعض الصدود


وطالعتني بازدراءه ونظره حاقده


قلت انا يا بنت ليه التلعثم في الردود


لاني ارهابي ولاني من اهل القاعده


هل تشوفينا عرب او تشوفينا يهود


او تشوفينا من امة غريبه مارده


وش يعيب الشخص لو كان من خلف الحدود


والله اني من قبيله عريبه صامده


من سلالة ابن يعرب وقحطان بن هود


من سباء والعرش تشهد عليه الاعمده


منبع للعرب حنا ونصدق في الوعود


يشهد الله والعرب فوق ذلك شاهده


ناصرين الحق والدين بسيوف وجنود

.
والحضاره اسسوها الشعوب البايده


سد مارب انهدم والعرب اقفوا شدود


بعد ما كانوا بارض اليمن متواجده


بس قولي لي وش اسباب كبرك والجحود


فكري بالامر تفكير اذا انتي راشده


قالت اعذرني ودمعاتها فوق الخدود


لا تواخذني محمد ترى مو قاصده


والله ان ذكرك على البال حتى في السجود

واذكرك في الليل وافز واني راقده

اترك الموضوع وانساه يا الخل الودود


لا تعذب قلب مولع نياره واقده


نستميح العذر منك دخيلك لي تجود


بالتسامح لا تزيد الجروح الزايده


قلت انا يا بنت لي كان لا يمكن يعود


نار حبك فات واصبح رماده خامده


والهوى اللي يجرح النفس او يفرض قيود


ما توده كود ذيك النفوس الفاسده


روحي بدربك وطقي براسك بالعمود


لا يجي رقمك ولا ابغي رسايل وارده

الله الله صح لسانك

طرح جميل جدا

ابداااااااااااع تسلم

الايادي والله يعطيك الف عافيه