|
|
|
|
|
|
|
|||||||
| •• الشـــــعــر الشـــــعبـي القصائد والزوامل الشعبيه اليمنيه التراثيه محاورات ومناظرات دواوين اكبر الشعراء اليمنيين |
 |
|
|
أدوات الموضوع | انواع عرض الموضوع |
02-12-2012, 09:32 PM
|
#1 | ||
|
لأجلك ياموطني لن أكون إلا أنا
 
تاريخ التسجيل: 15 - 10 - 2012
الدولة: اليمن_صنعاء
المشاركات: 1,595
معدل تقييم المستوى: 71 
|
هذا سؤال من مواطن للأخ/ المُشير
يالله اسآلك يامن أنت للمظلوم نصير ياخالق الكون يامن أنت على كل ظالم قدير وبعد الصلاه على من جاء بالأسلام بشير المصطفى أحمد ذي من نور ربه أنير هذ اسؤال من مواطن للأخ/ المشير ليش الحكومه ماعاد فيها تدبير وليش وضع البلاد ياسيدي أصبح مرير هل من كثر الفساد ذي به العالم لنا دايم التحذير فالمنح والمساعدات بتصرفها الحكومه بتبذير بحجة أقامة مشاريع وتحسين وضعنا العسير وأحجار الأساس في كل موقع بتشير وبعد فتره بينسوها وتبقى زريبه للحمير من أجل منحه ثانيه يسووا بها التسوير ولا ينتهي المشروع إلا ومن عليه مسئول يتعين سفير وأنظر لأعياد البلاد ذي صارت كثير من شهر مايو إلى نوفمبر في الأخير والأسم فيها كلها بأعياد التحرير من الأمامه والأستعمار ووحدة التشطير والحال قبل العيد بيوم يبقى مُثير فالكهربأ ماتنطفي وفي كل شارع تشجير وبعد العيد بيوم الحال يرجع جغير القمامه في الشوارع يبسرهاحتى البصير والأسفلت بعدمايوضعوه بساعه يطير والمجاري في كل الأوقات بتسير والكهربأ ساعتين تلصى وباقي اليوم توفير والماء مره في الأسبوع ويقطروه تقطير وآخر الشهر تجينا أغلا الفواتير ولو عن الأسعارتسأل فكلها صارت سعير من الغاز والبترول والديزل للبر والسكر والشعير برغم أن البترول هو حقنا والغاز قدوه عندنا للتصدير بس لو عندنا ماعندنا المهم من عنده ضمير وأين الضمير ؟ ومن مرض في مستشفى مايلقى سرير ولو حالته خطيره يرقدوه جنب واحد جوير وإن مات يشتوا من أهله حتى قيمة الخيط الصغير والقبر مايحصل عليه إلا بعدما يدفع بقعة مدير بالله عليكم كيف الحال بعد هذا يصير ؟ اليوم سار الكل يشتي حساب وزير كان وإلا غفير فالعسكري من كلمه يرد له مثل المدير والموظف لو أحتجت له يطلبك أجرة خبير أما الوزير ماتبسره إلا في الأخبار كأنوه أمير !! ياصاحبي وضع البلاد أصبح خطير من يوم سار100ألف فيها غني و26مليون فقير فسألوا عن أكلهم ؟ اللحوم بياكلوها مع العصير والشعب ماعاد يعرف إلا الشاهي والفطير لبسهم ماركات عالميه وهي لهم تصدير والشعب مالبسه إلا من الحراج ذي في جولة التحرير وإن شميت في يوم عطرهم فهي للغرايز تثير وشمنا... عفوا هانا بايقع تشفير !!!! سيارات معاهم ماتقدر تشوفها فكلها بتطير وأبن اليمن ماعاد معه جزمه يقدر بها يسير بيوتهم فلل وقصور وعلى كل باب عشر آلات تصوير والمواطن غرفه وحمام وأحتمال يزيلوهن بعدة تقارير والفرش عندهم في كل غرفه حرير وأحنا في كل بيت ماتلقى إلا الحصير وهكذا أصبح العمر منهم ياخي قصير فأيش ذي علينا جرأ ؟ الصدق أنا ماعاد معي تعبير !!!
__________________
قالوا: جامل زمانك حتى ولو فيه تجريح مااحد تجيه دُنياه بحسب أختياره قلت: الأوله.. لا انا مجامل ولا أقبل التجريح حتى وإن كان غيري هذا إختياره والثانيه.. الباب ذي بايجي لي منه الريح بااغلقه وكلاً يبقى عزيز في دياره |
||
|
|
|
17-02-2013, 06:54 PM
|
#2 |
|
مشـرف سابق
تاريخ التسجيل: 15 - 2 - 2013
الدولة: اليمن - صنعاء
المشاركات: 5,606
معدل تقييم المستوى: 80
|
رد: هذا سؤال من مواطن للأخ/ المُشير
|
|
|
|
|
| مواقع النشر (المفضلة) |
|
|
العرض العادي
