جواب شرف الدين فاضل على القصيده(7) للشاعر ابو ريم اليافعي

اليافعي وشوقي لا جبل يافع / قصيده رقم ( 7 ) مرسله للشاعر شرف الدين فاضل


اسعد الله اوقاتكم بكل خير

وكل عام وانتم بخير

""""""""""""""""""""""""""


اليافعــــي بو ريـــم

وقصيده رقم ( 7 )

مرسلـــه للشاعر القدير / شـرف الدين فاضل

،،،،،،،،،،،،،،،،

::::::: وشوقـــي لا جبـــل يافــــع :::::::

ــــــــــــــــــــــــــــــ

الا يا عـــــازم الليله مـــع خطـــي لبــن فاضل == وقله اليافعـــــي يشكي ويتئلــــم من الهجــــران
قضيت العمر بالغربه جــــزع عمـــري ونا نازل == وطالع من جبــل لا جبل ماشــي قضي لي شان
وكـــم بصبر وبتحــمل على المنكر وعـ الباطل == قضيــــت ايام عمــــــري بلاوي كلهــــا وحــــــزان
متى باعيش وتهنــي بقــــرب الاهـــل وتفائل == متى با يستقر الحال وحس في عيشت الاوطان
جسد مطروح بالغربه وروحــي باليمن شاغل == وشوقــي لا جبل يافــــــع وللاشعــــــاب والوديان
وشوقـــــي للذي خلى قليبي بالهوى شاعل == نهب عقلي وخلانــــــي متيم بالهـــــوى ولهـــــان
ومنعك يا ابـــو يونس تجيب الرد لـــي عاجــل == وقلـــي كيــــف باعيـــد بعيد الاهــــل والخــــلان
جمور الفقد تحرقني ودمعي عـ الوجن هاطل == وبي حسره وفيني ضيق بمسي ليلتي سهران
متى عيد مع خلـــــي وبين الاهــــل متقـــابل == بقربه ينشــــرح صدري حبيبـــي ساجي الاعيان
وما ود ابتعــــد عنـــه ولكـــن الزمــــن مـــايل == ضروف الوقـــت والايام عصيــــه تجبـــر الانسان
تمنيت ليت انا جنبك وبالطيـــن يالهلـي عامل == وفــــي كل حين نتلاقــــي ســـوا بروح والابدان
وربــــي با يسهلــها وعيشتنا علـــى الحاصل == ويكفـــــي راحــــت النفس جنبك سعد وطمئنان
فلا شي با يفيد المال لا اعطــوه الكنوز كامل == مضلـــوم من هجــر خله ومحبوبه يضل خسران
ابو يونس سلامـــي لك باسيقـــه مع الزامل == وورد ابيــــــض ليد الشاعـــر المغـــــوار والفنان
صـــلاه الله عالمختار فيــــه الكــــــل متـــامل == صلاه ما شـــــع بارق ومســـــى رعـــــدها حنان


ـــــــــــــــــــــــــــــــ

ــــــــــــ

تحيهـ للجميعـ
تسلم اخي الغالي على القصيده المعبره وعيدك مبارك وكل عام وانت بخير
واليك جواب اخوك /شرف الدين فاضل

يقول الفاضلي حيا ببو يافع رجل عاقل ==صديقي والوفاء طبعه وربعه كلهم شجعان
رجال الجود والمعروف في قلبي معي واصل ==وكيف انسى اخي الغالي وهو جنبي معيا بان
رجل وافي ولد وافي وانا معروف ما اجامل== ابو ريم الفتى له صيت وانا واياه كالاخوان
وصلني بدعه السابع ومضمونه في الزامل == وشوقه للوطن باين وزاد الفاضلي اشجان
بيشكي حالة الغربه وجور البعد هو ثاقل == امانه لا تشجيني لانه حالنا الاثنان
ومن ينسى اليمن يا ناس من الساحل الى الساحل == وشوقي جنب اشواقك نلاقى في جبل عيبان
وننزل فجر من صنعاء نمشى لا صلى باجل == ونرجع اب نتفسح ونمسي في جبل شمسان
عدن يا جنة الدنيا ترحب فيك يالواصل == بنوصلها صباح الخير دمتي قرة العينان
ونرجع مارب التاريخ سباء في قصرها الشامل == هنالك حيث جا الهدهد يخاطب شعبنا بامكان
وبسمل في خطاباته وبسم الله هو قايل == دليلي موش من عندي قده مكتوب بالقراءان
خرج فصل اولي والان نعنى البدع ذي واصل == وقول اليافعي مشتاق تعب من كثرة الهجران
ومحد ينقده والله لان المغترب راحل == تعبنا كلنا يا صاح مشقة فرقت الاوطان
وفعلا لا متى نبقى نهاجر وايش ذي حاصل == ولو به امن واستقرار كان ان اليمن مليان
ولكن ناس طماعه يشلو دون امقابل == وناسا بالعلى تعلى وناسا بطنهم جوعان
سياتي يوم تتصلح ويروى عودها الناحل == ويشبع ذي قده جاوع ويتقيد ابو بطنان
ويرجع كل متغرب ويعمل لجلها العامل == يصدر نفظنا واضح نسدل كل شي ببيان
ماشي اكبر من الثاني ولا ذا شيخ وذا عامل == بحكم الله با نمشي ويكسر راسه الشيطان
سواحلنا بنحفضها ويكفي لا هنا عازل == جدار الصمت با نكسر ونعلنها لهم اعلان
كفى يا كل متئامر كفى يا كل متخاذل == يريد الشعب ذا حقه بلا زايد ولا نقصان
وعيد العيد يابو ريم اذا الغايب قدو واصل == يلاقي الخل بالاحضان وايش احلى من الاحضان
توكل لك على الرحمن لا تصبر على الحاصل == وعيد لك مع الاحباب واشر للجواز الان
هي ساعه مع الطيار وانك في عدن عاجل == وساعه لا جبل يافع وطف الشوق والحرمان
تلاقى لك مع خلك وعبر لك وضل غازل == تغزل لك في المحبوب وارجع روضة الخلان
ومحلا العيد يا ابو ريم بدون الحد والفاصل == تمتع وااشبع النضره مع الاولاد والجيران
وبستان الهوى غالي وورده طاب للطايل == زهور الحب ما ارغدها روابيها مع الاغصان
وصلو عد ما ترعد ومامزن السماء هاطل == على طه حبيب الله وكل الال والصحبان
اخوكم شرف الدين فاضل
(والمعذره كتبتها في عجل عندما قراءت البدع على طول )