ما تقدر النسيان

ياللي وردت المــا على جــالي مثل ورد الحيام
الجـــال جالك واشرب من الما وهات من العلوم
انا اشهد انه فيك كل اللي يثيـرالاهتمـــام
وانك بروحك كوم واعذارك بعد فرقاي كوم
قلبك رهيف احساس ما يصبر على طول الهيام
والعــذر بلسـانك مثل عذر العوايد والسلوم
لي حجم في عينـك ولوصدت ولي عندك مقام
ما تقـدرالنسيان ياكذاب في ليـله ويــــوم
لكن علشــانك معلقني على صدرك وسام
اللي زعل يوم السفر ينسى الزعل يوم القـدوم
والله علـيم انك تروح من احترام الى احترام
وان طحت من عيني تطيح من النجوم الى النجوم
العفـو مــا يقـدر عليه الا الرجاجيـل الكرام
وسموحة الخـاطر تجي دايـم من صدورالقروم11
قل كل مـا يطري على بـالك من اسباب الخصام
واللي جرى في غيبتي من ذكريات ومن هموم
البرد يلمس جسمك الدافي ويحرمك المنــام
ما تدري انت تقـوم من مخدعك ولا ما تقــوم
روّح معي واسمع لصوتي كل ماقلت الهمام
عجّل تراالفرصة تجي وتروح لكن ماتدوم
ولك مني اني لتركك تلعب على غصن الغرام
وتقول احبك لآخر ايام العمر واقول دوم
الليلة المسرى معك كنه مسيرة نصف عام
يابعد نورالشمس عن جفني وهو مافيه نـوم
غرّد على غصــن الهـوى لاضقت مثلي يا حمــام
أنــا ترا لاضقت غنيت ورقيت أعــلى الرجــوم
مــا تدري ان الحــر لاضاقت عليها الارض حــــام
ولاّ التـراب تـراب والمرقى على قـدر العــزوم
القــاع مــا يمشي عليه الاّعصـافير ونعـــــــام
كان الطيــــور اللي لها جنحـان ما تقـدر تحــوم
لا تزعــل ان ما جت لك الدنيا على حسب المـرام
يا طير مخلابك يعشــيك اللحــــم وانت محشوم
الوقت عـوّدني واناصغيّر على اسلـــوب ونظام
اني ما خون بعشرة اصحابي ولا اصاحب رخوم
بسـألك يا قلبي بعـــد ما ضقت من كثـــــر الزحــام
اللي بقى لي فيك علــم اصحــاب ولاّ علــم قوم
الحلــم مـاعــوّد عليك الا ّبشــرهات ومــــــلام
والنــاس مـا تحفظ لك الاســــرار يا القلب الكتـوم
خــلك مثل ماكنت لا يطلــــع من لســــانك كلام
إلاّ الكـــلام اللي يســــد افواهـــهم عند اللــزوم
لا رحت بلحالي ما اشوف الا مراويح الغمام
اللي وراها غيوم واللي من تواليها غيوم
واقول في نفسي وانا اشوف الطبيعة يا سلام
صورة من اجمل ما تشوف من الصور على العموم

اللي زعل يوم السفر ينسى الزعل يوم القـدوم
والله علـيم انك تروح من احترام الى احترام
وان طحت من عيني تطيح من النجوم الى النجوم
العفـو مــا يقـدر عليه الا الرجاجيـل الكرام

الله على الابداع حطيتك على قلبي وسام واسكنتك في شريان دمي كلمات لها احساس جميل وراقي اخي الحنش والله انك مبدع وانتقاء ولا اروع

انت ستظل كما انت في قلبي وفي كياني لانك الوحيد اللي ملكني

ما عليك زود اخي مان هود شكرا على الرد الطيب ياذوق لك تحياتي واحترامي وتقديري

طرح رائع ومميز

يعطيك الف عافيه

يسلموو اخي

اختي بسمه شكرا على الرد الطيب ياذوق

اخي صقر لك تحياتي ياذوق