>>>يلي تظنين الهوى لعب ومزاح <<<

هو: ياللي تظنين الهوى لعب ومزاح
بعض الهوى مافيه يمه آرحميني
الحب لو نخفيه في الروح فظاح
الحب ناره كايده صـدقيني
هي : ادري ولاكن يمك القلب مزاح
ويشدني بعض الليالي حنيني
قلب بليآ حب ماظن يرتاح
هذا الهوى ماهو بيديك ويديني
هو : ماكل عاشق خالي البالي مرتاح
ولاكل من عاف المحبه حزيني
الحب ناره نار وجراحه جراح
شوفي عذابه في عيوني وفيني
هي : الحب مثل الطيب يزها وفواح
واسمى معانيه الوفا ياضنيني
لولاه ماكان السعاده والآفراح
لولاه ماشفت الآماني بعيني
هو : كم ليلةً متوسد الكوع والراح
محدآ سأل عني ولاحس فيني
يابنت وشلي بالتعب بعد ماراح
عيشي حياتك وابعدي واتركيني
هي : البعد ماهو بالجسد بعد الآرواح
وشحيلتي لاصرت موجود فيني
ان قلت لك بنساك منساك ياصاح
هواك لو ابعدت عنه يجيني

(وسلامتكم)