أنا يا أبن الحلال أصعب حكايـة

نسيت الناس لكن .. ما نسيتـكـ
عجزت أنساك حتـى لـو ثوانـي

مليت الكون .. و أشغلت الجوارح
نظر عيني .. سماع أذني .. لساني

عطيتكـ شيء ما هو عنـد غيـركـ
و لا قصـرت .. لكنـكـ ...... أناني

أنا احبـكـ .. و إذا ودكـ تأكد
شف الله كيف بيدينـكـ هدانـي

غيآبكـ صعب و الأصعب وجـودكـ
و أنا فالحالتيـن اتعـب و أعاني

حبيبـي لا تواخذنـي .. و لكـن
أبيكـ تحـط نفسـكـ فـي مكانـي

إذا جيتكـ و أنا مشتـاق تقفـي
تجاهلنـي و كنـكـ مـا تـرانـي

و إذا صديت عنكـ و قلـت أبرحل
وقف قلبكـ على البـاب و دعانـي

و لو سويت نفسـي مـا أشوفك
يميل القلـب صوبـكـ و يحدانـي

أنا يا أبن الحلال أصعب حكايـة
كتبني الوقت .. لكن مـا قرانـي

مضى عمـري و تقـدر تعتبرنـي
غريب .. و في زمن ماهو زمانـي

زماني راح مع نصفي .. و نصفي
نسى نفسه مع الوقـت نسانـي

أسافر حزن .. و الصحبـة ثلاثـة
أنا .. و الصبر .. و سهيل اليماني

و إذا مريـت فـ بـلاد الطفـولـة
فتحت الصـدر للحـزن و طوانـي

هنا .. دمعه جرت من عين جاهـل
هنا .. لاقيـت همـي و التقانـي

هنا .. باعتنـي الديـره و أهلها
هنا .. ضحيـت لفـلان و جفانـي

هنا .. حاولت أصيح و ما سمعني
سوى بعض الشوارع و المبانـي

أنا يـا حبي .. دقـة قديمـة
بغيت أخذ من الوقت .. و خذانـي

على الأنقاض واقـف دون حيلـة
أشوفك وجهتـي بيـن الموانـي

تعاال .. و طـف بيدينـكـ حنينـي
تملكني.. و أنا أشعل لكـ حنانـي

تعال .. و ضمني يـا تـاج قلبـي
دخيلـكـ لا تخلينـي .. عشـانـي

أنا شاعـر عيونـكـ يـا حبيبـي
مع التحريف في بعـض المعانـي

و ما نيـل المطالـب بالتمنـي
و لكن شوفتـكـ كـل الأماني

محبة صـادق النيـة.. قصايـد
و محبة ساقـط النيـة .. أغاني

قسـم بالله لـو مـوتـي بـيـدكـ
و أموت الفين مره .. مـا كفانـي

و إذا باقي من الطلقات .. طلقـة
دخيلكـ .. حطهـا بيـن المحانـي




مما راق لي