((مناظره تعجيزيه بلاغيه بيني وبين الدكتور - فيصل بن جزاء الدوسري

السلام عليكم ورحمة الله وبركاته


اللهم صل على محمد وعلى آله وصحبه أجمعين


مساء\\ صباح

الخيرات ويسعد الله ايامكم

بدون مقدمات
الشاعر فيصل بن جزاء الدوسري شاعر معروف وله اكاديميه في الشعر
ظروف جمعتنا وغروره بشعره لا يوصف وسويت معاه هذه المناظره
في 2009
واتمنى تنال اعجابكم
كتب هذه القصيده بعنوان يا هجوس الشعر ؟؟

-----------
ياهجوس الشعر فري في تخاتيـخ الدمـاغ
واسعفيني في بيوتٍ تكتم انفاس الكـدوش
لي علاقاتٍ وطيده بالشعـر ماهـي فـراغ
ذا نتاج سنين عمري ماشريتـه بالقـروش
القصيد اللي نقولـه للمشاعـر مستسـاغ
فيه للعاشق وصايا لظلم الليـل الدغـوش
حيث لا قلت القصيده كلٍ يحذف الشماغ
ترفعه مني قصيده فـوق عاليـة العـروش
نكتب الشعر ونقوله لو تلاغـا كـل لاغ
ومن تقفانا بهرجـه غيضـه بقلبـه ينـوش
يامروجة الحكايا هرجكـم عجـة مـراغ
تنجلي لامن برزنا مابكـم حـيٍ يهـوش
نزغة الشيطان زادت في بعض ربعـي وزاغ
يشعل الكره بغيابي وان حضرنا له بشـوش
هذا عندي مايساوي بالقدر فلسٍ وسـاغ
احقره واربى بنفسي واضربه ضربة رجـوش
يابري حال القصايـد زودوهـا بالمـلاغ
كل من صفف كلامٍ قال انا شاعر وخوش
الشعر لامن بغيته دوك ابن جدلان صـاغ
للقصيد اللي ينومس يطرب الراس ويشوش
ياهل العرف اخبروني بنتظر منكـم بـلاغ
ويش حيلة دمعةٍ متعلقـه بيـن الرمـوش
حايره في وسط عيني صابنـي منهـا رواغ
تنتظر مني اوامـر مثـل ضبـاط الجيـوش
خاتمة صدر القصيده ينتهـي بحـروف اغ
وينتهي عجز القصيده في قوافيها ب... اوش

----------------------
وهذا ردي على قصيده الشاعر

يا بحـور الشعـر هاتـي قافـيـة هــذا الصـيـاغ--وعلمي من كان شاعـر كيـف يتحـدا وحـوش
والقـوافـي دغـدغــت وزن القـصـيـده داغ داغ--شي طويل وشى قصير يهبش ابياته هبوش
بس انا شاعر وعـارف مـن نقـد شعـرى وبـاغ--هاجسى عند القصيدة ينقـش ابياتـه نقـوش
مـا اثبتـه قولـى علـى الدنيـاء ثـبـت ولافــلاغ--حلوهـا والمرمـن كـفـي مطـرهـا والـرشـوش
وانــت يانـاقـد كـلامـي مـــا دهـنـتـه بـصـبـاغ--سغتها من فطرتي ما قمـت الملمهـا رتـوش
ماعرفت الشعر في سوق النحاسه ياالصواغ--فكيف بلمتسلفين الـورد مـن قحـلاء عطـوش
صاحبي في شبـر قيدنـي وقـال ادخـل بـراغ--واحذر الخرجه مـن الصومـال لاارض الحبـوش
ما عليش!البحـر فـى جوفـه درر ماهـى دلاغ--يـقــذف اللؤلؤمـصـفـى لاعـيــوب ولاخـــدوش
يعـربـي اللـفـظ مـافـي لـفـظـه الـسـايـر زواغ--ماتسلفنا من الايران فالألفاظ(خوش)
انـا مـن مهـد العروبـه ماضـغ الفصحـى مـذاغ--نبضهـا داخـل كيانـي مــا بطشنـاهـا بـطـوش
حدسمـع فـي سمانـا صقـر جـارح قـال غـاغ--اوغــزال الـبـر راغــا مـثـل راغـــات الـكـبـوش
لاتسيب الدمع يسقط سهل لوتشـرغ شـراغ--المهـم الصبـر مهمـا الدمـع يرعشهـا رعـوش
واخـر ابياتـي مناعـه صـعـب تلدغـهـا الـلـداغ--ردشامخ في حروفه مثل قلعه وسـط حـوش

و سلا متكم