كل ما فيني يفداك

لاتحسب انك لا غبت عني ابنساك
ولاتحسب اني برخص مابينك وبيني

لاوالذي كمل لك بالزين وسواك
يبقى مكانك ما بين رمشي وعيني

صحيح احبك وكل مافيني يفداك
وصحيح اموت لا صديت ياضنيني

وصحيح البعد قاسي وانت ماقساك
تحرقني بصدك ونار الشوق تكويني

عطيتك كل الحب يوم محدن عطاك
وعطيتك كل الغلا اللي هو يحتويني

واليوم ترحل وتنسى قدرك وغلاك
وتزيد في بعدك ولا تفكر تجيني

وانت خابر طبعي ومحدن خابره سواك
اني ما اطرد المقفي لو انه يبيني

اما تجيني وكمل باقي العمر وياك
ولا بلاش من الغلا اللي بينك وبيني

را قلي

يسلم لنا ذوقك ..
طرح راقي كـ رقة تواجدك ..
سأكون دوما بين طياتك المتمــــــيزه ..
أرق التحـــايـا ..

تسلم يالغلا على المرور الجميل