الجزء الثالث والاخير من قصة امي تقية

ملاطف :اسلمي وفي نفسه بيقول ناهي شلوش الجن

هذة تكملة الحلقة السابقة

بعد مارزعني ملاطف هو والمره الجديده


مارقدت الا وقد روحي عتخرج جالسه طول الليل افكر كيف

افعل بملاطف هو والطبينه وبكرت من زقزقه افعل الصبوح



الدافي وكل ماافكر افعل سم اقل مع اصبري يامره وواقعي عاقله


فعلت الملوح والبن وقربت الصبوح وبدات اصيح

الراقده : لتوووووووفي يالتوووووووفي ( بيني وبين نفسي تفو عليك وعليها )

ملاطف : ياسلام ياسلام ابسري على حلا فيش وانتي عاقله يامره

الراقده :كم معي ملاطف يووووه عيجبرني براسكم

وبعدها جلست اداكم يمانيه اشتي اجلس جنب ملاطف وهيه تسير الجنب الثاني وانا الحق بعدها وادهفها

وتقوم تسكع له من الفاصوليا وتلقمه وانا قلبي يفحر ....

انا : وللمه الغنج هذا بكله او عادو جاهل بتاكليه

ملاطف :وانتي ماعليش

الراقده :انا قصدي حين ماقد غسلت يدها جو انا شاسكع لكم انا

ملاطف : مشتيش سيري ابسري لش مهره عتسكع لي هيه عتطفحيني بحقش الالجاع

وبعد ماخرج ملاطف لابيت عمته يسلم عليها استغليت الفرصه ومسكت يمانيه الاصل بشعر راسها ....

الراقده : جي كذا اين عتسيري مني قومي البسي مصر ولا صارميه والحقي بعدي افعلي الغداء فعلوش في فم مدفع ودفعوش

يمانيه :اي اي ماليك وجعتيني سيبي شعري طيب باجي معاكي بس سيبيني

ودخلنا المطبخ وبداءت اتحدحد ...

انا : ابسري ياقمر افعلي الرز والدبيخ واللحمه والسلطه والزحاوق وبنت الصحن وشفتي وانا شاضرب لش الحلبه

يمانيه : الله ياسلام وليش تتعيبي نفيسيك باخبط الحولبه انيييييي

انا : خبطو راسش ياصوماليه اشتي ادرى ماعجبه فيش اكيد العرق الصومالي ؟

يمانيه : طيب خلاص باكبير عقليا بس لما يجي باقول للتوووووفي على كول حاجيه

انا : عرررررر حرام لاقتلش؟ اشتغلي !!

استسلمت يمانيه للامر وبدات تكشن وتفعل الغداء وانا جالسه في المكان بين اضرب الحلبه طول اليوم وبين اغني


( صاحبي ظالم اناني *** بعد عشرتنا رماني )
( صاحبي قد صار جاني *** اح منك يازماني )

وطبينتي ترد عليا بالصوت( مسكيان ياناس مين قالوا حبيبك عرووس )

وانا قلبي يفحر ....

وبعدها سمعت يمانيه بتداعي ؟؟؟

يمانيه :يارقده وين الملح ؟

انا : هو ذاك عندش في الدولاب .

يمانيه : والكمون ؟

انا : في الدرج في كيس مربوط لونه ابيض ومكتوب عليه سمرا عدن زيديه كما الاكل مابيوقع طعيم ومسبوك الا به ؟

( طبعا الكيس هذا كان اللي وسطه حناء وانا يازعم بالعاني علاسب اتشفى فيها حين يصيح لتوووفي فوقها )

وبعد ماخرجت من المطبخ دخلت وجريت الملح وعقعقت الاكل بكله ( قاهيه الا هيه ) وجاء لتووفي وقد الغداء مقرب وقد انا


وطبينتي جالسات ملبسات علينا الحلى

ملاطف : ماشاء الله على نسواني ماشاء الله على نسواني لاحد يمرعني ؟ هع قالو ان اللي يتزوج بالثنتين يشترغ !

انا : بيني وبين نفسي (احنا عنطفحك ذلحين مش الا تشترغ )

يمانيه :حبيبي تعال هنا جنبي قد طبختو ليك مينا الصبح

انا : انا بحجر الله قلي انت بتفهمها ماادولكش ياملاطف كتلوج كيف تتعامل معاها عوجت فمي عيعوج فمها ارحم الراحمين

جلسنا كلنا فوق السفره وكل واحده في يدها صحن بتغرف لملاطف الغداء وانا كنت اغرف له بطيبه نفس ...

انا : اكل ويهناء ياروحي

وفجاءه مابسرت الا عيون ملاطف سرجين...

ملاطف : هوووووووووووووووع ماهو هذا من فعل الرز؟؟ من ؟؟

انا : الصوماليه حقك

يمانيه : ليش ايش في مويش حلووووووه

ملاطف : اااااااااااااااا يجنن من كثر ماهو طعيم ماقدرت اكله !! اسكه اغرفي لي دبيخ احسن

انا : حرام محد يغرف لك الا انا من عيووووووووووووني ياعيوني

ملاطف :

انا : مال ابي وروحي مالك ليش قدك مطنن

يمانيه :حلو مش كذا

ملاطف : طعمه غريب مدري اين قد شميته

انا : شميته في راس امك تقييييييييييييييه تذكر

ملاطف : حنااااااااء يابنات الذين ؟؟؟ تشتين تطفحني

يمانيه :ملللللللللي موش اني هيا قالت لي مووووش اني

انا : قلقلو عظامش كذابه اوبه تصدقها يالطووووووووووووفي

ملاطف : تفو عليكن الثنتين شافلت لكن البيت بالذي فيه عتجنننننني شلوكن نسوان

انا : قال المثل ( يستاهل البرد من ضيع دفاه )

وهكذا خرج لطوفي من البيت ولم يعد

وهذا جزا من يتزوج على مرته