لسعه ثلج

في وسط قلبي سفينه وفي سما حُبك سدَم ،
تشتهي بحرك وتجري عكس شهوتها . . الرياح !

كن هذا الصبح بـ العتمه بليّاك ، إنردَم . .
يا صباح الخير من غيرك بلا ( خير ) الصباح !

أثر ثلج فراقنا يلسَع وشوقك ، ما خِدَم ،
توّي أفهم :
شنهو تعني [ لسعة الثلج ] . .
لـ ( فلاح ) !

لا تحارب . . ما أبيك تعض إبهامك [ نِدَم ] ،
جيت لك :
قصدي إنتـ فاهم ،
شوووف . .
ما أحمل سلاح !

الزعل : غلطة حبايب قلب من قلب إنصِدَم . .
والرضى ساكت ، وعزة نفس تتثاقل سماح !

ياحبيب الجرح . . شوف إحساس محبوبك ( عَدَم ) :
ما يحس القلب في جرحك وهو كله جراح !

كان في وجهك بقى لك دمعتين ، وفيه دَم ؟
هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
أو أصد وأكتب عليها : ( أرض مافيها صلاح ) !

يا أعيش بـ وسط قلبك ونبني كل شي إنهِدَم . .
وإلا قدامك أموت وأوقف بـ وجه [ الرماح ] !

إعتبر نفسك معزّب . . و المشاعر لك : خَدَم ،
وإنت كيفك دام قلبي ( أرض منزوعة سلاح ) !

هذا القلم القادم

أثبتــ وجوده

بجدااااره

اهنئك على الاسلوب الانيق والكلمات الجميلة
بانتظار حروفـ قادمة

اشكرك على ردودك الجميله اختي فراشه القدس

إبدآأإإع × خيآأإل

يسسسلمو

أسلوبك رائع .. يلفت الانتباه ويجذبهُ بسهوله
كلماتك تحمل عبق الحرف بحلوه ومره
سلمت وسلم قلمك الابداعي
الله يعطيك العافيه
تقبل مروري