قاموس .. هات .. باللهجة اليمنية

قاموس "هات" اليمني




هو ملح الحياةالزوجية في بلادنا، اقول ملح لأنه يرفع الضغط للازواج،



وهذا القاموس يحتوي على طلبات الزوجة اليمنية من الالف الى الياء:



أ.. أشتي أسير عند أمي.



ب.. بز الجهال الحديقة.



ت.. تعال روحني من عند اختي.



ث.. ثومة بس انتبه يضحكوا عليك بثومةصيني.



ج.. جيب معك قرص مشبك وانتجاي.



ح .. حاسب لاتصدمك سيارة قبلما تروح المصروف.



خ.. خيرة الله عليك برج ابي باقي الشرط!! نسيت انك تزوجتني دين!



د.. دور لي تفاح اخضر حامض! اني واحم اخاف بعدين يخرج ابنك وفي جبهته تفاحة.



ذ.. ذلحين ع تغير المجلس والا لا!! قدوه "مبلح" حالته حالة من جا عندنا تضحك علينا.



ر.. روح معك غداء الدجاجة حرقت وانا اكلم امي بالتلفون.



ز.. زيد ادي عشرة الف حق الجمعية علشان نشتري بليزق للبنات.



س.. سير ادي لنا مفرشة جديدة للغرفة قد الاولة مشططة سع فرشاة الأسنان.



ش.. شل معك سمك وانت مروح الله يخارجنامن انفلونزا الطيور.



ص.. صاحبتي طلقها زوجها ماكانت تطلب منه شيء ضبح منها.



ض .. ضبحت بي كم لي ادور منك قيمة "جزمة".



ط .. طبعك حلا لولا ان كل هدية تهديها لي تطلع "فالصو".



ظ.. " ظالم"!! الرجل اللي تقوله مرته هات ويقولها مابش ظالم.



ع .. عاتخرج؟!! هات لنا معك كيلو هريسة،ورطل زبيب اسود.



غ.. غبني عليّ! كل النسوان معاهن مرتب من ازواجهن وانا بعت ذهبي علشان اوفي صرفة البيت.



ف.. فين الخاتم اللي وعدتني به قبل عشرسنين؟



ق.. قدنا ضابحة من هذا التلفزيون الخردة بازبط امه من الطاقة!



ك .. كم باقي للمعاش؟!



ل .. ليش ما حق القات بتخرج وحق البيت بتكون ثقيلة عليك؟!



م .. مابش خبز ولازيت والماء مقطوع والكهرباء مطفية ومابش شمع
وصاحب البقالة مارضي يدي للجهال حاجة.



ن .. نسيت ما تدي طبق بيض معك قد البيض فقس في البقالة وانت ناسي له.



و.. وين الزلط ذي تسلفتها لك من امي ياشماتة خواتي فيني!!



هـ.. هات معك ورقة وقلم أكتب لك الطلبات اللي نسيتها.



ي.. يا غارتاه من ذا الزمان الاعوج لاعاد سلي عزب ولامزوج

هههههههههههههههههههههههههه

والله كنت بحاجة اضحك شويه

سلمت وسلمت يمناك يالغالي على الطرح

ما قصرت

تقبل مروري

هههههههههههههههههههههههههههه

ابو اصيل العمر ينتهي

وطلبات الزوجات ماينتهي

ههههههههههههه

الله يديم المرح والضحك فيما بيننا يالقلب الجريح

خ.. خيرة الله عليك برج ابي باقي الشرط!! نسيت انك تزوجتني دين!

بسم الله الرحمن الرحيم

السلام عليكم,,,

الله يسد ويصلح.

شكلها من وادي بنا هههههه.

الله يحرسهم من العين وما يحرمها من كرمه

لو ما تحملها زوجها من بيتحملها !!



مشاركة قوية وحلووه بنقلها يدويا هههههه

كل التقدير.

اخي هدوء انسان
اخي الحسين الشامي
اختي سحابة السماء

هههه
شكرلكم ولمروركم اضحكو لكم شويه

يعطيكم الف عافية اخواني على مروركم الجميل

ههههههههههه شو هالطلبات كلها الله يعينه وبصراحة اللهجه ماليش حل
تسلم ع الطرح

ههههههههه يسلمووووو بس تصدق الطلبات مش كثير
هع هع هع ومشكووور على الطرح الرائع