.. ضحية ماسنجر.....................

هذي ابيآت جميله لشــآعره يقآل لهآ ( النـآصــحـه ) ،
من اروع ماقرأت

ــــــــــــ



يالي تنشديني ورى خاطـري شيـن
وش لـك بتقليـب الهمـوم الدفينـه ..


لو الجبال الصـم تسمعنـي الحيـن
يمكن تصـدع مـن بكـاي وونينـه ..

أنا ضحيـة عـام تسعـة وتسعيـن
أنـا ضحيـة عولمـة يـا فطيـنـه ..

بداية القصـة قبـل خمس سنيـن
يومي دخلت النـت وأحكـم كمينـه ..

قلـت أتسلـى كلهـا يـوم يوميـن
وأشبع فضول [يسبق الجيم سينه] ..

بديتهـا يعنـي ثقافـة وتحصـيـن
وانهيتها وسط [الماسنجر] سجينه ..

هذا يكلمني عـن الرمـش والعيـن
وهذا يقـول انـه شـراع السفينـه ..

وهذا يقول الحب ياشاطـرة زيـن
وهذا يجيني وسـط نغمـة حزينـه ..

عادي .. ولكن شخص واحد من ألفين
كنت أعتبر نفسـي لنفسـه رهينـه ..

يرفـع شعـارات القناعـات للديـن
يلبس رداء مـن الرضـا والسكينـه ..

لـه فلسفـه تقنـع محاكيـه بالليـن
أقنع إذا قال الصحـاري مدينـه !!؟

كنت ألمسه غيمه وأشمـه رياحيـن
كنت أسمعه صـوت الأذان وحنينـه ..

أشوفه ركوع الطهارى المصليـن
أتذوقـه [رقيا] الشيـوخ الثميـنـه ..

لكن ونفس الشخص هذا بعـد حيـن
من التفاهـه صـرت لعبـة يدينـه ..

شاطر لعبها صح واستاهـل البيـن
كنـت الغبيـه التافهـه المستهينـه ..

هذا نتـاج اللـي نصب بالسكاكيـن
يسيل دمـه مـن مضـارب يمينـه ..

شوفيني وعمـري وصـل للثلاثيـن
حيه واحـس انـي بقبـري دفينـه ..

هذا الماسنجر وش بعد منه ترجيـن
شيليـه قبـل انـه يطالـب بدينـه ..

أخاف من يوم يجي خاطـرك شيـن
واصير احرك بك مشاعـر حزينـه ..

يسلمووووووووووو اخي ابو اصيل اليماني
على الموضوع
وعلى الكلماات الرائعه
اشكرك على النقل الموووووفق
تحياتي لك

يسلم غاليك اخي زعيم اليمن نورت بصراحه المنتدى ونورت موضوعي

يعطيك العافية

المسن ليس فيه العيب بل بطريقة استخدامه
اتمنى لك كل التوفيق لهذا الموضوع الجميل

شكرا لك اختي نعم استعماله الغير سوي

يعطيك الف عاافيه

يسلمووو

يعافيك ربي تسلمو