|
|
|
|
|
|
05-09-2010, 08:53 PM
|
#1 | ||
|
نائــب المـدير العــام
تاريخ التسجيل: 20 - 5 - 2008
الدولة: USA
المشاركات: 33,896
معدل تقييم المستوى: 100   |
مقتطفات من اجمل القصائد الشعرية
 كلام في الحب .. ونفحات هادئة وقصائد تلونت بالجمال والبوح والشجن خطتها أنامل المبدعين لترسم لنا على صفحات الورق حروف من ذهب  طاريك ... سعـــــــادتــي ياشين حكي اسمعه ما فيه طاريــــك لاشك أداري ضيقتي عند الأحبــــاب وإن طالت الجلسة ومحدٍ حكى فيك تروح لك كل المشاعر بلا حســـاب وأعيد أذكرهم بسالف لياليـــــــــــك قصدي أجيب لسيرتك عندي أسبــاب ما عاد يسعدني ابد غير طاريــــــك ولا عاد غيرك صار للقلب جــــذاب حزن صـــادق هلابك غيمة تبكي دموع الشاعر المجـــروح هلابك شمعة تضوي ظلام الخافق المنضـــام هلابك بلسم لجرحي تداوي قلبي المفضـــوح هلابك دمعة سالت على خد الأمل قـــــــــدام هلابك عد ما أمطر سحاب صامت مجـــروح هلا يا مبكي حروفي على صدري بــدون آلام هلابك فاضح سري ومجبرني عليه النـــــوح هلا بحزن ملازمني وساكني كثير أعــــــوام أبنسى .. بس .. نسيانك !! أبنسى .. لازم أنسى .. كيف أبنسى وانتي بعيني على حد الرموش انتي واشوف الكون بعيانــــك اببعد .. لازم أبعد .. كيف اببعد وانتي سنينــــي أعيشك يا حياتي والضياع المر عنوانــــــــــك عرفتك قبل أعرفك ساكنة في كل تكويـــــــــني تغنين بحنان مسكنة في خافق انسانــــــــــــــك خذي مجنون حرفي يا ( ... )..لا..كلي اخذيني أنا اخاطب جنونك يا ( ... ) وريني جنونــــك احس اني بدونك شئ اساسي ناقص فينــــــــي واحس انك بدوني ناقصة وانا على شانـــــــك ابيك وميت فيك وعلى الفرقا تحدينــــــــــــــي بذرت الك الوفا واللي حصدته منك جحدانــــك انا وشلون اببرى من صوابك وش يداوينـــــي ياليت انك تجودي بالشفا واشفى من ادمانــــــك شربتك من ضماي وجف وصلك في شرايينـــي حضنتك بالعيون ومات همي بين ذرعانــــــــك ابنسى .. لازم أنسى ؟ كيف أبنسى وانتي بعيني ؟ تبين الصدق أبنسى .. ايه أبنسى .. بس نسيانك عطشانتك متغلية لكن عليك انت ما أظـن ياسيد الدنيا وسيد حياتــــــــــي تستاهل أكثر من غلايه بلا من يا راس مالي بالوجود وغناتـي ان قلت احبك ودي انك تطمـن قلبي يقول اللي تقوله شفاتـــــي من غير ودك وسط روحي تمكن من غير صوتك لم باقي شتاتــي دنياك تهوس يعلم الله تجنـــــــن وأنا بروعة عالمك يا حلاتـــــي أقول ابهرب من جنونك وهــوّن أعرف هروبي من حياتك وفاتي باقولها في عالي الصوت وأعلـن عطشانتك يادجلتي يا فراتـــــــي مســــــافاتك أعرف أجف في عيني وأعرف أسيل من عينك وأعرف أضيع لين ألقاك مع دربي وخطـــواتي اذا انتي ما عرفتي وين قلبي كيف تلقينــــــــــه وإذا انتي ما مشيتي يوم ما تقصر مسافاتـــــــي أنا فيني مسافاتك وانا كلي عناوينـــــــــــــــــك تروحين وتجين وما وصل حدك نهاياتــــــــــي على صدري نبت عطر أظنه كان بيدينــــــــــك ياليته ما وشا صدري عن اللي كلم سكــــــــاتي تعالي قسوة يركع لها ضحك عرف لينــــــــــك انا سلمت بيد ذنوب حزنــــــي كل زلاتـــــــــي ما عاد تستاهـل كل حاجة طعمها مر في هالزمـــــــــان هم هالدنيا وحنا نعيش لهمهــــــــــــــــا المكان اللي عرفناه ما عاد المـــــكـــان والقلوب أحداث الأيام زادت غمهـــــــا صاحبي حتى أنت ما عاد تستاهل حنان انت بعثرت المشاوير وانت تلمهــــــــا صاحبي لو كان للناس والدنيا أمــــــان ما تموت ورود الأحلام قبل نشمهــــــا قرب الأغراب حنا ظلمنا الحب في قولنا احبـــــــــاب نجرح سمو الحب .. نجرح عفافــــــــه في وقتنا ضاع الهوى حرف بكتــــــاب في وقتنا أعلن عطانا جفافـــــــــــــــــه وصف المشاعر رعشة يدين واهــــداب وما بيننا دين المشاعر مســـــــــافــــــه نخون .. نخلق بالكذب عذر واسبـــــاب نكذب .. نظن الكذب فن وحرافــــــــــه نقرب ولكن قربنا قرب الاغـــــــــــراب يضيع كل العمر منا حسافـــــــــــــــــه وإلا التقينا من تعب طوله غيـــــــــــاب نوصف عذاب البعد وصف الكلافـــــــة أنا أشهد ان الحب عايش بلا أصحــــاب وآمنت بإن الحب وهم وخرافـــــــــــــه
__________________
|
||
|
|
| مواقع النشر (المفضلة) |
| الكلمات الدلالية (Tags) |
| من, مقتطفات, الشعرية, القصائد, اجمل |
|
|
العرض الشجري