إيميل بالغلط

24-07-2010, 08:44 PM

أتنين متزوجين قرروا يروحوا يصيفوا على البحر

وبنفس الفندق يللي قضوا فيه شهر العسل من عشرين سنة

بس الزوجة صار عندها شغل

وما قدرت تروح مع زوجها و قررت تلحقه بعد عدة أيام

وصل الزوج للفندق

وكان قاعد يوضب اغراضة بالغرفة

وبيتفاجأ بكومبيوتر محطوط عالطاولة

وفيه خط أنترنت

فخطرتله فكرة أنو يبعث إيميل لزوجته يفاجأها فيه

ولما كان عم يكتب الأدرس

خربط بحرف وانبعت الإيميل لغير شخص

وصل لوحدة أرملة كانت راجعة من دفن زوجها

ولما كانت عم تفتح أيميلا

قرأت الأيميل المبعوت من الرجال

وصفرنت الأرملة فورا

ودخل أبنها عالغرفة وشاف أمه عالأرض لا من تما ولا من كما

والأبن اتطلع عالشاشه وكان مايلي

زوجتي العزيزة

وصلت بخير

يمكن عم تتفاجئي لأنك عم تسمعي أخباري عن طريق الأنترنت

بس هلأ صار عندهم كومبيوترات هون

وبيقدرالواحد يبعث أخباره للأحباب

ما صارلي زمان واصل

واتأكدت أنو كل شي يكون مجهز لوقت وصولك لعندي الجمعه الجايه

أشتأتلك كتيييييييييير .... ومتشوق لشوفك

وبتمنى تكون رحلتك مريحة

متل ماكنت رحلتي

ملاحظة : لا تجيبي معك كتيير أواعي لأنو كتيير شوب - جهنم

لا تتأخري