عشرينيه الوحده اليمنيه للشاعر الوحدوي القدير جبر الجلهم

]((عشرينية الوحده اليمنيه))
للشاعر / جبر الجلهم - ابو محمد [/center][/size][/color]

العام الاول كنت اهنـئ خضـراء = حسناء مولـوده بعـام التسعيـن
كانت بسن التسع زايـد عشـراء = والعام هذا عمرها في العشريـن
فتـاه مزيونـه جميلـه شقـراء = كانها في وصفهـا حـورٍ عيـن
هويتها من عاد انا كنـت اقـراء = فى الصف الاول في جنوب الستين
واهديتها ورده ومظرب عطـرا = عند احتفال اول لها في السبعيـن
حبي لها جهـراً ولا هـو سـرا = اسجع لها واعزف واللحن تلحين
اعمل لها في كـل عـامٍ ذكـرى = واذكر هواها بين لحظه والحيـن
فتـاه لازالـت صغيـره عـذراء = لم ينقضي من عمرها الا عّقديـن
العّقـد الاول زال منـه الشـرا = والثاني انشاء الله يزيل الشريـن
هذ الفتـاه العاليـه فـي القـدرا = عادة فؤادي ذي تشطـر قسميـن
وَحدة هذا الشطر بهـذا الشطـرا = بعد ان عاش القلب دهراً شطرين
منها استقيت العذب بعـد المـرا = شافت جراحي بعد طـول البيـن
يا عاذلي في حُبهـا لـو تـدرا = عن قدرها لاسكنتها وسط العيـن
او عالاقل ما كنـت بـا تتجـرا = في ذمها واللوم يا بـو وجهيـن
فيها الهواء والحب يكتب اجـراء = وحبهـا دون العـذاراء اجريـن
والظلـم فيهـا والتمـادي كفـرا = من دون شك الذنب فيهـا ذنبيـن
لو خيروني في هواهـا كسـرى = والشرقيه والغربيه وارض الصين
والروم وامريكـا وقصـر البتـرا = وامريكـه اللاتينيـه ينحطـيـن
امام عيني والبحـار والصحـراء = وافريقيـا والاطلسـي والقطبيـن
ولو يزيدو فـوق هـذا الامـراء = مابين غـرب اسبانيـا لا بكيـن
مقابل اصغر ظفر بيـد السمـراء = ما اقبل ولا اتنازل عليها شبريـن
اقسمت ان لا حيد عنهـا شبـرا = ولن اهاون عـن هواهـا كلّيـن
كلا ولن ارضـاء لهـا بالغـدراء = ولـن اسـاوم عنهـا المرتديـن
وكل مـن سـاوم بهـا واتمـراء = يموت في غيضه ويذهب سجيـن
لاجل الفتاه الشعب صلـى وتـرا = واقسم يمين ان لايصلـي وتريـن
بعد الليـال المظلمـه والغـدراء = وايام ذاق الشعب فيهـا المُريـن
اخـوه يمانيـون مهمـا يجـراء =اخوه في الموطن واخوه فى الدين
لا حـد يعانـد ذا ولا يتـبـراء = ولا يـدس الـسـم للمحتبـيـن
ولا يقـول آخـر بانـه عـمـرا = لافرق في الايمان بيـن العمريـن
الصاع واحـد والنفـر والسعـرا = لا حد يشكك في وجود السعريـن
بعد اندماج الفضيـه والحمـراء = ذابت عروق الجيم في قلب الشين
يامـن تريـدو للفتـاه القهـراء = وتعملو فـي تفرقـة ذات البيـن
هل تعلمو للشعب مـاذا يجـراء = وايش الذين قد يستوي في ظهرين
في حال لو قـدر لهـا الله امـرا = او صابها حماء مِـن المندسيـن
لا لا تظنو الشعب يرضاء النكـرا = ولا تظنو الشعب يرجـع لاثنيـن
المساله ما عادها اكتـب واقـراء = ولا استمع للـدرس ذا والتمريـن
هذا وطن والأثم بـه لـن يبـراء = الا بتقديسـه وتسديـد الـدَيـن
لو كل مخلص في الوطن يتحـراء = نفسه ويبداء يكشف المستتريـن
باسم الوطن وإسم الفتاه الغـراء = نحاسب المتهوريـن والجشعيـن
نعيش معهـا سرهـا والضـراء = في ظل رايتهـا سـوا مجتمعيـن
ختمت هذا القول بهـذا السطـرا = واخلصة دعواتي لها في سطرين
يالله اسالـك للفـتـاة السـتـرا = واجعل ذويهـا حولهـا ملتميـن
واهلك من اضمر للفتـاة الغـدرا = آمين ثـم آميـن يـا مستمعيـن
صلو على من جاءنـا بالبشـرى = شفيعنا المختار في يـوم الدِيـن

[/quote]