أنا محجبه

أنا محجّبـة ليـه؟



أنا محجبة - بعد إيماني بأمر الله سبحانه وتعالى بإن الحجاب فرض على كل مسلمة - علشان الأسباب التالية :
*******
1




علشاني انا حرة.. مو من حق اي واحد يشوف مني اللي ما ابغاه يشوفه إلا بإرادتي.. ومن حقي اختار من اللي يشوف مني أجمل ما عندي... واللي علشان يشوف هذا ويبقى حقه وحلاله بلاله و عن طيب خاطر.. لازم هو بعد يعطيني مشاعره واللي باقي من عمره عن طيب خاطر

*******
2



علشاني أنا غالية.. ما ينفع أقـلـل من قيمة نفسي واخليها عرضة لكل العيون.. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مو متغطي مني.. حتى لو ما كان هذا قصدي.. بس مو قادره امنعه.. كامل اعتذاري لغير المحجبات ( الله يهيدهم يارب ).. ولكن هذا اللي بيصير منكِ لضعيفي النفوس حتى لو ماكان هذا قصدك... وهذا اللي علشانه الله سبحانه وتعالى فرض الحجاب . علشان ما يطمع اللي في قلبه مرض.. مع الأخذ في الاعتبار انه “كل من هب ودب هذا” مو بس الشباب اللي بيعاكس البنات في الشارع... هذا يتضمن حتي الزبال ( اعزكم الله واكرمكم ) اللي بيسوق عربية الزبالة ( اعزكم الله واكرمكم ) او السواق في الشارع.. كل هؤولاء من الممكن انهم يناظروا فيك.. لأ هذا بعد يمكن ماعجبهم ويدوروا وجوههم إعراضاً

*******
3


علشاني أنا باحترم نفسي.. وشايفة نفسي كبيرة قدام نفسي.. وما ينفع أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية

*******
4



علشان انا جمالي مو خارجي وبس.. ومن حقي ان اللي يبي يتزوجني.. واللي بعطيه الباقي من عمري... واللي بعطيه كل مشاعري.. واللي بقاسمه أحلامي وأفكاري ومستقبلي .. واللي بخلف منه اطفالي.. وباربيهم معه.. مايختارني على مقاييس شكلية وبس.. أو يبقى هذا العامل الأساسي في أختياره لي.. علشان كذا مو ضروري يشوفني في كامل زينتي وجمالي قبل ما يتزوجني.. الأهم انه يحب روحي ويعجب بشخصيتي.. ويرتاح معي نفسياً.. لانه به بنات يأجلون الحجاب الى ان تتزوج ضامنه ما شاء الله عليها... على أساس انها تكون ضمنت واحد.. مع إن ما فيه حاجة مضمونة في الزمن هذا الا ان يشاء الله.. واللي اختارها علشان جمالها.. ممكن قوي يتزوج عليها واحدة أجمل منها.. لأنه أكيد فيه الأجمل منها
*******
5




علشاني أنا بخاف على أخوي في الله اللي بيشوفني في الشغل أو في الكلية أو في المواصلات أو في الشارع او.. ويمكن يكون يبغى يقرب من ربي.. وبيجاهد نفسه علشان يغض بصره.. فما ارضى لنفسي اني اكون سبب في اني اكون فتنه له

*******
6

علشاني أنا بشيل هم أخوي في الله اللي نفسه يزوجني ومو قادر لضعف إمكانياته المادية.. فمو ضروري يعني ازود عليه همومه.. وأخيِلُه في الرايحة والجاية

*******
7

هذا غير حاجة مهمة بعد.. الكفن حق النساء... فيه حجاب.. فاللي مو لابسته وهي حية بإرادتها وبـطاعة الله.. بتلبسه كذا ولا كذا وهي رايحة قبرها.. وطالما ان الله سبحانه وتعالى امر اننا نتستر حتى وحنا رايحين قبورنا..وبكذا انتهى التكليف.. وما حد بيشوفنا ثاني مره ولا بيطمع فينا احد.. يبقى ما فيه معنى اننا نمشي مكشوفين لكل العيون واحنا أحياء نرزق.. يبقى الأولى اطيع الله سبحانه وتعالى بإرادتي وأقابله وهو راضي عني وآخذ أجري كامل بمشيئة الله.. ولاّ ان تكون ملابس غير وانا جثة واقابل ربي وهو غضبان علي؟

*******




الأسباب هذ اللي فوق .. هي اللي فهمتني ليه ربي فرض علينا الحجاب.. مو تعسير ولا تضيـيـق... الحجاب فعلاً عزة وكرامة.. ما يعرفه غير اللي ذاق طعم الستر
ربي يهدينا ويهدي بنات وشباب المسلمين يارب

سلمتي يا قمر الصبايا موضوع حلو

اسلوب جديد ربما يتناسب مع فتيات اليوم.

المهم ان لا يكون الحجاب مجرد قماشه تغطي الرأس ... بل حجاب من الوقوع من الاخطاء والزلات الأخلاقية.

شكرا لمرورك اخي النهيدي والموضوع هو عن الفتيات بعنوان انا محجبه وعباره عن نصيحه مش احكي عن نفسي
فانا رجل

تحياتي لك

بارك الله فيش اختي الكريمه
الله يجزاش الخير

اووووووة موضوع قيم مشكورة أختي وعندش حق في كل كلمة

طرح هادف ورائع

بارك اللهـ فيكِ

وجزاكِ ربي كل خير

موضوع فيه الكثير من العبره للمسلمات
جزاك الله خيراً احساس
وجعلها في ميزان حسناتك
تقبل مروري

جزااااك الله خير

جزاك الله خير

سبحان الله والحمد لله والله اكبر
لا اله الا الله محمد رسول الله
صلى الله عليه وسلم وعلى اله وصحبه اجمعين