لاتعتبرني

لأتعتبرني شي غير أني أنسان
أحس مثلك وأشتكي وأتألم
أنا مثل هالخلق راضي وزعلان
يوم انتشي شوق ويوم احتشي هم
زفيت لك نفسي على كف ولهان
ولأ حسبت حساب العيب والذم
وبعض الهوى يسلب عقول وأذهان
كنه على صدر المجاريح مرهم
وبعض الهوى ماغير ذكرى وسلوان
مامنه غير التعب والويل والهم
أحيان أكفكف دمعتي أحيان
وإللي تخونه دمعته صعب يكتم
آه من ظروف الليالي والأزمان
جرح اذا شفته تقول تكلم
ليت الهوى مخلوق بصورة أنسان
عشان أرد الدين والثأر والدم
الله يجازي الحياه ذيا
خلتني امشي سقيم الحال

ياصاحبي صبرك والجرح له شان
لامرت الايام يصفى ويلتم
وكل ماذكرت الجرح وجهت للرحمن
استغفره واطلبه ماعاد تندم
اليوم يوم احزان والغد فرحان
وهذا طبايع ذا الزمان الملثم
ماعد عرفنا من العدو والاخوان
غير الجراح ياصاحبي تعلم
ولا تشتكي الا لربك بالسر والاعلان
واضحك ولا تروي ان بك هم


شعرك فعلا جميل
وصادق خرج من القلب تقبل ردي البسيط

أشكرك اخي الكريم (( الشاعر الهائم ))
اشكرك على هذه الأبيات والكلمات الجميلة

كما اشكر أخي وليد اليمن على الرد بتلك
الأبيات المقابلة بالمعنى والبناء والقافية


الله يعطيكم العافية
مع اجمل واطيب تحية عاطرة

تجلى الآأبدآأع‘ـ على قلمكـ..~

يضئ وسطـ عتمة الكتآبآت المنخنقة ,,~

أبدع‘ـت ...

وأشكـــرك على هذه الكلمات الرائعه

أمنياتي بالتوفـــيق

الله يسلمكم اخواني على مروركم على اشعاري يسلمووو واتمنى لكم التقدم والنجاح