(لغز ابو علي عمران وجواب ابو ماجد الشيبه)

السلام عليكم ورحمة الله اخواني الكرام

احببت انزال هذي المساجلة لغز ابو علي عمران

وجواب الاخ ابو ماجد الشيبه اتمنى ينالين رضاكم

[poem=font=",6,black,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
ســلام راقــي وأنــت يالشيـبـه تمـعـن وأدرســـه=من لسـن أبـو لـوزه محمـد ذي يقـدم لـك دروس
مـعـا نسـيـم الصـبـح عـاطـر أكسجـيـن أتنـفـسـه=وغـاز نتروجـيـن يستنـشـق ضعيفـيـن النـفـوس
وأفتيـك أنـا مـن بكـر صائـم طالمـا أنتـه تحبسـه=وان تنوي أطلاقه بيفطر رغبةً حسـب الطقـوس
تعجـز جيـوش الأرض والعالـم بأسـره يحـرسـه=والـروس وأمريكـا ولا ذي جـدة أمـه دختـنـوس
يحضـا بـه الفـلاح والجنـدي وهـو فــي متـرسـه=نعمـه مـن المولـى عجـز غيـره يجبـه بالفـلـوس
نــاسً تعـلـي بــه ونــاسً فــي جهـالـة تـرفـسـه=ونــاس لا جـاتـه ولا جـاهـا مزارعـهـم يـبــوس
وأنـــا بـعــون الله نـــاوي فـي حـقـولـي بـغـرســه=لأنـه معـي مـن قبـل كنـت أتذوقـه عبـر الكئـوس
مـا كنـت راغـب فيـه بالـواقـع وكـنـت أتوجـسـه=شبه العسل حالي وأنا كنت احسبه شاهي كبوس
يمكـن معـك منـه ويمكـن مــا مـعـك ذي تلحـسـه=عندك شبيه الليـل وأنـا عنـدي اشراقـة شمـوس
فـي ظلمـة الديجـور فـي يمـنـى يــدي بتحسـسـه=إيـاك تعبـث بـه وتحسبهـا علـى كيفـك غـسـوس
شـبـه الـهـرم شـامـخ وذا أمـنــت بـــه بـأقـدسـه=ما همني مـن لام بعلـن ضـده الحـرب الضـروس
غيـرك بـري منـه وأنـا مـن فـوق ثـوبـي بلبـسـه=حلـل لـي ألسنه,,ورهبـان الكنائـس والمـجـوس
والـرد فـي تكتـيـك عقـلـي فــي مـهـارة هنـدسـه=نظـم حـروف الـرد فـي مقيـاس فنـي لا تـحـوس
لا خاب ضـنـي فـيـك سجلـهـا بكشـفـك فأجـسـه=من موطـن الأيمـان برسـل بـك ولايـة هنـدروس
[/poem]

جواب الشاعر القدير ابو ماجد الشيبه
[poem=font=",6,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
قال ابـــن شيــبــــه في تحدي للعقول المفلسه=ذي ما ادركو ويــش المعاني عندما هاج الهجوس
فقال هاجس بــــن محـمـــد مرحبا لا مجلسه=مـــن عـهـد جـــــدي ما تـلاقي في مجالسنا عبوس
حيّــا بشاعر كــم تأثر مــــن حبوب الهلوسه=أدمـــــن بها يا ويـــــل حاله قـــد جنانه قاب قوس
ابـــو علي ذي صـاغ شعره للاسف ما قيّسه=اضــــن يــــوم انّــــه كتــبــها اقتــلع منّه ضروس
خلى حروف البكر كنّه من حروف الطلمسه=يهدف بها التعجيز واظهرها عسل في راس موس
ابحر بحرفه في بحوري بــس حرفه غطّسه=يامــــن جهل فــــن السبـــاحه ليش فارقت اليبوس
وانا لها بــاطـــن وظـــاهر بيــرقي ما نكّسه=لو بانهزم كــــاس المنــيّــه خيـر من كل الكووس
بازل حـــوى اجمل مشاعر والفطن يتفرّسه=انشد حروفـــه كــل شــاعر وانغمس فيها غموس
والله ما تــاتــي علــومـه من علوم المدرسه=كـــلا ولا يـمـكــن ينـــالــه مــن اتـــى بالعيدبوس
ما يأتي إلا مــن تجاذب في خفوق أتحسسه=يداعـــب الاحســـاس ما يحتــاج منصب أو فلوس
لأنــه السلــطان فــي قلـبـــي وعقلي يرأسه=ومــــن غلاته معتمد لــــه حفل في عيـد الجلوس
الحــب في قلبي رسيسه والدما ذي تحرسه=واصبـــح جليس الفكر دايم صبح والا في غلوس
موجــود في سنّــة محـمــد والنبي قد اسسه=يغنيك عــن ذكر المجوسي ذي مسبب لك نحوس
إذا نويــت اكتـــب جوابي زر واحد باكبسه=واشـــرح لعمران المعاني لجـــل ما يبـقى يئوس
[/poem]