يكفيني يتم يمه ترى للحين انا طفله......

بعدتي عن عيني يايمه وانا طفله ...
ادور في عيون الناس يمكن المحك فجأه....
ابعثر يمه العابي وادور بين اغراضك...
يمكن القى سجادتك او اخذ السبحه...
اسأل كل زوايا البيت وين امي?< ترى كذبه كلام الناس بس لاتكونوا صدقتوا >
يجاوبني صدى صوتي.... بعدها اصحى من نومي ...
.ويرجع لي كلام الناس "ترى الحين يابنيه صرتي طفله يتيمه "
بالله يايمه شسوي مو لازم اصدقهم
وانا كل مااصحى فنص الليل.....
اروح لمهجعك يايمه بس مالقاك تصلين....
وكل ماادخل الغرفه وافتح يمه دولابك....
الاقي مصحفك مهجور ....وتنزل يمه دمعاتي كل ما المس هدومك....
تراها حيل مشتاقه لاحظانك
يمه قولي مو لازم اصدقهم
اروح المدرسه يمه.... ومالقى ايدين تودعني ....
وحيده امشي بين الصف وكل الناس تناظرني
ومولازم اصدقهم
ومرضت اللين شفت الموت... وايدك غافله عني....
ترى مو عادتك يمه تخليني في مثل اليوم
خلاص يمه تراني صرت اصدقهم
عرفت ان السماء مسكنك ...
وان اي شي تبغينه يجيك بدون ماتروحين ....
وانك بعيده عننا بعد النجوم... يعني هناك فوق مااقدر اجيك......
يمه انتي مرتاحه قولي لي يمه تكفين.... تراني في دنيتي غلبانه......
احس اليتم و اشوف الضيم ....
وترى كل يوم انا اكبر بس انتي ماتشوفين
دريتي يمه عن اخباري....
ترى احمد تزوجني..... عرفتي منهو يايمه ...
احمد ولد حارتنا.... ولد جارتك نوره
هذيك الطيبه يمه.. تراها تزورني كل يوم
وانا طفله تدرين يمه وش سوت .....
شرت لي دفتر التلوين وكم لعبه....
وشرت لي فستان يايمه ياليتك بس تشوفينه ....
ويوم الابله تناديك هي تحظر.....
يايمه قبل ما انسى طلبتك يمه تكفين.....
ترى بكره اهو عرسي..... ابيك بجنبي تكونين ..
طلبتك لاتخليني.... ابي انتي تزفيني...
ابيك تاخذيني في حظنك ....الين اشبع من شمك....
بعدها روحي يايمه ....<اهم شي تحضري عرسي>
ابيك انتي زفيني .....
يكفيني يتم يمه.... تراني طفله لين الحين....