تعبت الله يكون بعون هالقلب وبعوني

تعبت الله يكون بعون هالقلب وبعوني
تعبت من الوجيه اللي تجي وتروح بسهوله

وأنا صعبه أصدق كيف خلوني وباعوني
أقوول أحيان معقوله وهي ماهي معقوله

لاني ماقدرت الا معاهم أحسن ظنوني
وأقول الجرح والزله من الغالين مقبوله

أدور عذرهم وأسكت وأمشيها على هوني
وأقول أخطائهم تغفر وهي بالعمد مفعوله

وأقول أهمهم طبعا مثل ماهم يهموني
ياما وقف لهم قلبي وهم مايوم وقفوله

متى ماضاقت بهم الدنيا بهم ذرعا يلاقوني
وهم لاضاقت بي الدنيا ألاقي قلوبهم مشغوله

عوايدهم متى ماحتاجوا القاهم كثر وشفاه معسوله
يلوم الله على طيبة خفوقي من يلوموني

مادام النوايا بيض والامال مأموله
صبرت أكثر من الازم وقلت ألايريدوني

وهم فعلا يرديوني ولكن النفس مقتوله
بعد ماقصروا حتى قبل فرقاهم أعطوني

على كم جرح كم كلمه كم طعنه وكم قوله
وراحوا بس مدري نسوني او تناسوني

خلاصة ماحدث راحوا وكلن راح في حاله
نعم مالت على حظي ردي وأستاهل جنوني

لأاني طحت في بعض القلوب الغير مسؤوله
لمن لايعتبر عبره يجي ويشوف وشلوني

عباره عن جسد ميت وفيه أعضاء مشلوله
تعودت أنصدم بالذات ممن هم يحبوني

وأنا ماعندي أستعداد أجرب وأخسر الجوله
على كثر الوجيه اللي تمر الحين بعيوني

أحس الناس بالنسبه لي ناس مجهوله
بأعيش بدونهم عادي مثل ماهم عاشوا بدوني

وذي كلمه على لساني وهي للقلب مقيوله
مادام الهوى طعنه وشفت طعونك طعوني

تطمن حيل ياقلبي انا ماعادني حوله
ومادام كثير حبوني وجت فتره وخلوني

v
v

أجل بطلت وشهوله أحب بالله وشهوله ...؟
.
.