قصيدة ( زمان اول ) قلمي/ عمرو الغالبي - جنون شاعر

بسم الله الرحمن الرحيم


هذه قصيدة ( زمان اول )


اقول فيها


زمان اوّل : رمان امْـن ايـْد كذابه .. لكذابه ** وصادفتك وشرّفني أعيش أنسان لأنسانه
مدام انـّي أشوف الطهر في ناظرك تحلى به ** وش اللي بخسره لو أجعلك ذا اليوم كسبانه
يلوموني وانا الـْوم الحلا ذي فاتح ٍ بابه ** بوسط اعيونك الثنتين كنــّك صرتي سجانه
عيوب الشخص تكشفها ملامح تسكن اهدابه ** وأنتي اعيونك اتـْبيـّن طهر كالميّ صفيانه
تهزّ الخافق اتـْخلـّي بعيد ٍ عنــْه يدرى به ** يحسّ ابـْقوّة اجـْنونه وعشق ايـّزلزل اكوانه
غزيتي الذات باقوى أحتلال ـوْ صرتي اشعابه ** بنيتي ابـْداخله قصر الغلا ـوْ عمدتي اركانه
وذنبه ابـْكل ذا نظرة نظرها وأنتي اسبابه ** ولولا نظرتك ماكان ذاته هاجر اوطانه
عشقتك لين صار العشق بعدي يقفل ابوابه ** وكنتي دوم تتباهي وغيرك الف غيرانه
تجيني في زمن أعوج وسيده أكتب اكتابه ** وأقلّب لجلك الدنيا ـوْ تصيري ابكوني سلطانه
واشوف اليوم في وجهك .. مست لشـْواق قلابه ** وعشق اوّل تحول : بس مادري وش على شانه
بنار القلب تتمني لو اتـْكونين اخشابه ** كأنّ الحقد في ثار ـوْ غريم ٍ شاف عدوانه
عجيبة إنقلب حالك وطيبك كشــِّر اِبـ نابه ** وانا قلبي بليد ـوْ ماتوقعها من افلانه
رمى رشدي على طيشه .. عساها تصبح ادعابه ** لأنّ امـْن المحال احد ٍ مزاحه قتل خلانه
أسلـّي نفسي ابـْكذبي وصدقي فاقد اعصابه ** واشوف اني حزين ٍ !!! .. لا .. !!! أشوف البنت فرحانه!!
حسافه ماعرفت آعيش صادق لجل كذابه ** سوى نكذب تعالي دامها خربانه خربانه
ولو ردّت "صراحة" شلـّي قلبك وين ماطابه ** صدَق ولهان لكنـّك أسف مانتي بولهانه
عليك اكذب لو اني ابقول منتي صدق لعـّابه ** او اني بزعل ابيوم ٍ تجيني فيه زعلانه
تبيعي ـوْ تشتري فيني عقب جيـّيـْتك طلابه ** وانا وش لي أعيش ابدور عاشق بعض أحيانه
تجيه ـوْ ما تذكـّر من عتابه غير حيـّا به ** تروحي ـوْ مانسى يسأل هوانا بس من خانه
أنا والا انتي والا الناس والا ما تعبنابه ** او ان الوقت حايل بيننا والا تبلانه
إذا كان الوفا منـّي خطية ـوْ هجرك اعقابة ** معك قلبك .. وانا نفسي عزيزة دون خوّانه
ولو منـّي زعل قلبك دخيلك وفري اعتابه ** تري منــّك تعلمنا غدر أنسان لانسانه



وسلامتكم


قلمي
عمرو الغالبي
جنون شاعر

عشقتك لين صار العشق بعدي يقفل ابوابه ** وكنتي دوم تتباهي وغيرك الف غيرانه

------------------------------------------------------------------------------------

الشاعر الرااااااائع عمرو الغالبي

صح لسانك قصيده راائعه رائعه

الا ان هذا البيت يوازي عشر قصائد

ياهذا ماذا تركت للعشاق دام انه بعدك اغلق كل الابواب

ياااااااااااسلام جماليات الشعر لها فرسانها كنت هنا شاعرا بعمق

تقبل مروري وتقديري

صح بدنك يالغالي

وشهادة منك اعتز فيها واعلقها وسام على صدري

دمت بكل المحبة والود

جنون شاعر

الشاعر الرائع عمرو الغالبي
صح لسانك قصيده رائعه
تقبل مروري وتحياتي ومتابعين كل جديد

صح بدنك سلطان القوافي

واشكرك على ردك ومتابعتك

لك خالص تحياتي


جنون شاعر