زامل يعقوووب الجهادع وجبر المثيل

البدع من يعقوب الجهادع


سلام يااصحاب الدقون المهفله =بالقدر ذي يودي عليكم والكثير
جحر الحمار الداخلي باندخله= ولا نهوي لا شفى حفره وبير
يا اصحان صعتر كل واحد يعقله=لا عادشي مبداء معاكم اوضمير
ماهوش من صلى ودقنه طوله=والا لبس له ثوب للركبه قصير
يرجع يسوي نفسه احمد حنبله= والا يخيل له قدو عالم قدير
لا ينهي الباطل ولا يستبطله= ولا يسكهنا دويه والهدير
وايش الامل ذي عاد فيكم نأمله= وانتوا سكتوواليمن فسوا مصير
ماغير تعلى اصواتكم فالزومله= والبلبله لا تنسلوها للاخير
با تمسكو عادتكم زي اوله = والا تشيعتوا وقطرنتو بنير

الجواب من جبر المثيل

ياذي نزلتو للعلوم المخجله= الله يهنيكم في اجحار الحمير
عاد المصايب يا عزيزي مقبله= ابقى مكانك لين مالداوي يسير
جحر الحصان افضل قدك ماتجهله= حين انت خابر به ومتمرس كثير
والشعب ذي مثلك عسى الله ينقله= يستاهل المفرج في الحال اليسير
والله يصون اهل الدقون المسبله= واهل العمايم ذي على نهج البشير

قلنا لكم شيعه وعادي مقبله=وقبل ما دم اهلنا يا خي يطير
قلتو لنا كلا كفاكم شعلله = يا اصحاب صعتر بطلو شب النفير
وبعدها تشتو نقود المقتله= لا لن نقاتل قط في صف المشير
هي تجربه ما با نكررهاش له= خله يجرع مرها حنظل وقير
وانت انصره مادام وانته عبد له=او بس شغلك بالزوامل والهدير
يلعن ابو جد امها من ديوله= ذي قاده (حوتي) بشله للسعير
والجيش معكم والزلط والروفله= والطايرات الميج والجوثي حسير
ها بطلو ندب النساء والولوله= لا جتكم الشجعان واصوات الذخير
والا اتركونا با نحل المعضله = يومين والحوثي في الرازح اسير
وبعدها طلع لسانك وانطله = على طويل الدقن والثوب القصير

مع الود والتقدير .. والمعذرة عن بعض الالفاظ الغير مهذبة