فراق الصاحب

الصاحب اللي رحل عني نسيت أسئله

عن الليالي وعن ذاك الزمان الجميل

نسيت ألم آخر المشوار وآقول له

من قبل ماينتهي دربي وحملي ثقيل

ياصاحبي لولقاني بالعذاب الوله

كيف آتحمل كثيره واسهله مستحيل

الشوق جمره وآنا جمري عجزت احمله

والخوف زاد بغيابك وانت مالك بديل

ياصاحبي وانا صبري تعبت اوصله

والوقت ياكثر ماهو في غيابك بخيل

غنيت للموعد اللي كلنا نجهله

لقيت موعدك عنوانه عذاب ورحيل

لقيت كل الزمان بشوق نتخيله

وإلا زماني معك مثل المدامع يسيل

يكتب لنا عن فراق الله يامثقله

فراق الاحباب ماله في حياتي مثيل

هناك يم الشمال تقودك البوصله

وانا همومي تطاول عاليات النخيل

هناك يمكن تلاقي حل للمسأله

يمكن ويمكن تلاقي فآهل رفحاء خليل

بس الاكيد ان قلبك تعجز تبدله

وافي ويحفظ مودتنا ويبقى آصيل

تكفى لي جاك مرسولي تشوف آوله

تقراه لين آخره يعطيك كل الحصيل

حزن أو كآبه وجرح وليل يامطوله

هذي علومي وانا شاهد وشعري دليل

ياسلام عليك اخي هاوي الشوق
صراحه اختيار من اروع الاختيارات

سلمت هاوي

صح لسانك اخوووي

يعطيك الف
عاااافي
علـــــــــــــــــــــــــــــــى
المرور الروووعه
تحياتي لكمـ

كلمات في قمة
الذوووووق تسلم
على اختيااارك الرااائع
ربي يعطيك العااااافية

حم


مشكورينـ