ومن رجفـة ضلوعـي تفـوح الصبابـه..}~

الشعر سلّـةْ سيـف والشاعـر انصـاب
والسيـف .. قـوّة سلّتـه مـن نصابـه

والليل .. والموقف .. ولحظـات الاحبـاب
إن مرّت الشاعر .. شعـر بالكتابـه ..!!

وأنا .. هواجيسـي علـى بـذل الأسبـاب
تباشـرتْ .. ولا عطيـت استجـابـه ..!!

صديت عنها .. لكن الشـوق غـلاب ..!!
واليوووم .. هلّتنـي سحابـه .. سحابـه

في خاطري شرهه .. وفي عينـي عتـاب
ومن رجفـة ضلوعـي تفـوح الصبابـه

ملامحـي عنـوان .. وعيونـي كـتـاب
ووجيه خلـق الله .. بعينـي تشابـه ..!!

وين أنت ياللي كل ما غاب .. مـن غـاب
على حضـورك .. مـا حسبنـا حسابـه

أشوفك أبعد .. من نظـر سـود الأهـداب
وأقرب .. من العـووود لسوالـف شبابـه

مشاعري .. تنساق لـك جـول وأسـراب
تقـول : كـن بينـي و بيـنـك نسـابـه

ليت اللي مسـوي لـه شعـوب وأنسـاب
ســوّاك ومحاكـيـك ربــع ٍ ولابــه

الحـب داب .. وكـل داب ٍ ولــه نــاب
ولا عـاش منهـو بيـن سمّـه ونـابـه

ومن جاوب الورقـا علـى كـل مرقـاب
ما تاب .. لين يـروح فاقـد صوابـه ..!!

آسف على ما جاك منـي .. ومـا طـاب
أقلّـهـا خـلّـه بـصـدرك دعـابــه

تذكّـره فـي كـل مـا ينفـتـح بــاب
ذكرى .. وتطلب منْك ( صدر ) و ( رحابه )

من عادتي لاشتقت بالحيييل .. مـا آهـاب
وأجـرّد اللـي داخـلـي مــن ثيـابـه

والشعر سلّة سيف .. والشاعـر انصـاب
ولا بـارك الله فيـه .. لـولا خضـابـه

قصيده رااائعه كرووعتة حضوووركٍ

يعطيكِ ألف عاافيه على الطرح

لا خلا و لا عدم