وانسكب دمعي على أرض المطار ..!!!

للوطن حنين وشوق .. للوطن نداء خفي يعانق الارواح


ولكن عندما تعود للوطن بذكريات توسلت نسيانها بالغياب ... تعود لتجدها تسبقك الى ارض الوطن .. تجدها تسكن في حقائبك ..قلبك .. روحك .. اشيائك



هناك تتضارب المشاعر بين ذكريات والم وغضب وحنين ..

أليكم القصيدة..

يا وطـــن راجع بشوقي وحــيرتي
يا وطـــن راجع واحزاني كـبار


وين راجـــع وا أســـاي ومحنتي؟
وين راجـــع والأمـل قفّى وسار؟


في الســما عــشرين سـاعه رحلتي
حـــابس دموعي واوقاتي احتضار


شــايلن همّـي بحـــقـايب لــهفتي
وذكـــريات الأمس واحلام الصغار


وشــايلن قـلبي القـتيل بـراحتي
ولابســن حــبك عـلى عنقي سوار


تـرتجف رجــلي وتـرجــع خـطوتي
وانسكب دمعي على أرض المطار


آآآآآه يا شـــوقي وحـبي ودمعتي
يا الظلام اللي كسى وجه النهار


ارتـســم طـــيفك وحــيد بمقلتي
غــصـب عـني دون وعـيٍ واخـتيار


اشـــــتكيك لمين يســمع شكـوتي
حــــبك اللي لــفّني نـورٍ ونار


ايه احــــبك وســاكنه في مقلتي
وكـــل لحـظه دون ما شوفك دمار


لحـــظـة غـيابك اســاي وبلوتي
ويـوم اشـــوفك ذكرياتٍن وانهيار


ويـن اروح وويـن اولّـي بحـالتي؟
اكـــتوي بالعشق وعيوني شـرار


عـــاشـق وغـــاضب وتشهد رجفتي
في دروب الحــب ما شــفت القرار


حــبيبتي .. حــبيبتي .. حـبيبتي
اسمــعـي بقـولـها بكـل اختصار


في دروب الحــب هــــذي عــادتي
لا خــضـعـت ولا نـويت الانكـسار


ولا بـوطّـي الـراس وارخي هـامتي
صـــقرك الغالي كـتم جرحه وطار