حظي معك عاثر __ جديدي ( غيث العامري )

:

السلام عليكم
هذا يديدي وان شاء الله ينال رضاكم
يحيتي لكم جميعا
:
:


نحيب الذاكره ينشج ووسط الكون ذا ازعاج
وهمي ضج في صدري الين انهد شرياني

على شط البحر جالس اراقب صفحة الامواج
ادور فـ البحر حاجه تجدد عزمي وايماني

وفي صدر السما بدر تمادى نوره الوهاج
سطع نوره على الموجه الين اعشاها واعشاني

جميله زرقتك يا بحر لكن ملحك الاجاج
تغلغل داخل جروحي الين ادماها وادماني

وانته خنت احبابك نسيت الحب والمنهاج
وزنتك بالذهب لكن حسافه ضاعت اوزاني

اذا جيتك وعاتبتك يحس القلب بالاحراج
واذا اقفيت في دربي جرح هالضيق وجداني

انا حظي معك عاثر ولو جبته معك منعاج
زرعت الحب في صدرك ولكن يحصده ثاني .؟!

انا راح اقفل ابوابي واحكم قبضة المزلاج
وانته روح لاحبابك وروح لعالمٍ ثاني

مدام الحب خلاني لاشكالك انا احتاج
فـ راح اقطع بقايا قلب واقطع معه شرياني

::
:

وسوالم _ السموحه ع القصور
محفوظهـ لـ غيث العامري