الوقت مايرحم عيال الهوامير !! وشلون انا اللي على قد حالي

بسم الله الرحمن الرحيم
السلام عليكم رحمه الله وبركاته


البارحه يا حزني البارحه // غير !
.. .. .. .. .. .. .. حسّيت بإني فاقد إنسان غالي

حسّيت بإن الوقت ما عاد به خير !
.. .. .. .. .. .. .. إسود وجهه و الدليل : الليالي

ما عاد ترحم طفل // و تحشّم كبير
.. .. .. .. .. .. .. عادك تبيها تروف للّي جرالي ؟

الوقت .. ما يرحم عيال الهوامير !
.. .. .. .. .. .. .. وشلون وآنا اللي على قد حالي ؟

أطوي فراشي كل ما نسنس عصير
.. .. .. .. .. .. .. و آغنّي جروحي لصوت الشمالي

لين أنتبه .. بإن الدموع المسايير
.. .. .. .. .. .. .. سالت على ذكرى السنين الخوالي

وأضحك و دمعي في عيوني محايير
.. .. .. .. .. .. .. مابي أحد يدري وش اللي إستوالي

و أمسح دموعي بغفلة الناس وآسير
.. .. .. .. .. .. .. أبغي مكانٍ .. من المخاليق خالي

لا يقطعه راعي ولا يانسه طير !
.. .. .. .. .. .. .. ولا يقربه شخصٍ عن الوجد سالي

و أذكر مكانٍ .. هاجرته العصافير
.. .. .. .. .. .. .. من يوم ما فارقه - سيد الغوالي !!

بيتٍ جنوبة صرم و فحقبته : بير
.. .. .. .. .. .. .. وسوره من الأيام و الشوق بالي

بابه حزين من الجفا و التفاكير !
.. .. .. .. .. .. .. من غيبة اللي في الهوى ما يبالي

غروٍ تعب قلبي ومن عادني صغير
.. .. .. .. .. .. .. من قبل أفنّد من عمامي خوالي !!


الشاعر حمدان المحرمي

صح الله لسان الشاعر وصح الله بدن الناقل
يسلموووووو عجزت على الابيات اللي تقلب المواجع
تحياتي

لك جزيل الشكر والتقدير على هذا النقل الجميل
تقبلي تحياااااتي

شااب بزمن شايب// السهيل اليمااني

شاكره تواجدكم
لاخلا ولاعدم

بابه حزين من الجفا و التفاكير !
.. .. .. .. .. .. .. من غيبة اللي في الهوى ما يبالي

الله يكون في العون واحد يفكر وواحد مطنش
سلمتي عحزت انساك على القصيده
احترامي

صح الله لساتك
كلمات جميلة

روووووعه واختيار جميل من انسانه رائعه

قصيده في قمه الرووووعه

سلمت يالغاااااليه و سلمت يمنااكِ على رووعه ما طرحتِ

ولا عدمنااا تواجدكِ المميز

شاااكره لكم تواجدكم ياااقماااااااااااارى

بابه حزين من الجفا و التفاكير !
.. .. .. .. .. .. .. من غيبة اللي في الهوى ما يبالي

غروٍ تعب قلبي ومن عادني صغير
.. .. .. .. .. .. .. من قبل أفنّد من عمامي خوالي !!

حبيبتي جلوووسه . قصيدة رااااائعه جدااا ذوووووووووق
احسنتي الاختيااار ... تعرفيني احب هالانوااع من القصاايد ..
تحيااتي لقلبج ..