•·.·°¯`·.·• ( الفارس العاشق ) •·.·°¯`·.·•

حوّل من الرجم في كفّه السيف الشطير
فارس لوّح به الشيب واطغاه الشباب
تحته اللي لاعدت بالفضا كنها تطير
مهرة في لونها من بعض لون الخضاب
مرّ بين اجساد قومٍ لقوا بئس المصير
كلما شافوه جا بينهم مثل الضباب
ماتلفّت في جريح ولا همه كسير
همّه اللي سلم منهم وواراه السراب
قومٍ اغراهم حلاله يحسبونه يسير
غاروا وشافوا فعل سيف قصاف الرقاب
جاهم لحاله وهم جوه في جمع غفير
كنّه اكثر منهم وكنّهم عنده غياب
حافهم حوف السبع للظبا عند الغدير
من فلت من قبضة الموت كفّاه الصواب
من نجى منهم حلف عقب هاذي مايغير
لين ينبت ريشٍ ابيض علي جلد الغراب
عوّد الفارس على ابله عقب يوم كبير
والفخر في داخله يبني لمجده هضاب
وقّف لحاله/بكى /مالقى لدمعه خشير
شبّ ضوّه /طاح في جنبها/ساوى التراب
مرّت الذكرى .. لك الله يالقلب الكسير
هيّنك صعبٍ عليك وتهاونت الصعاب
تكسر الفرسان وتشّتت الجمع الكثير
وان غزاك الموت ماصار له عندك حساب
من يشوفك وانت مقبل على وقع النفير
في ملامح كافرٍ ما ترك كفره وتاب
ما يقول إنّك رقيقٍ ولك طرف سهير
وان لك عينٍ من الشوق سهّرها العذاب
فارس الفرسان يبكي مثل طفلٍ صغير ؟
والحديدالصلب عانقته الشمعه وذاب
اشهد ان الحب ما يخضع لحسبة خبير
وان مفاهيمه خطاها وصايبها صواب
الحديد ان لامس الحب سمّوه الحرير
والسحاب ان حبّ حوّل ولا كنّه سحاب
فوق راس الرجم وقّف تذكّر له عشير
فارس طوّح به الشوق واضناه العتاب
من بغى ابله دونهاالموت والعمرالقصير
تعثرمن دونهاالخيل وتهّج الركاب
وان بغاها ناعس الطرف لعيونه تصير
كنّها في عين هالفارس العاشق تراب

سلمت يمناك الاخ نبيل
مشكور على المجهود الكبير

قصيده كلها حرفها قصائد
مشكووور

وسلم الله الاياادي