من جروح الزمن !!

من جروح الـزمن بــاح صدري كنينه
والجروح العتيقة خــافقي مــل منها

شاب راسي وعمري بس تمضي سنينه
والحيـاة القصيرة البشر مــا ضمنها

دمعتي يــا عيوني منك تشكي سجينه
حرري دمعتي ليه ليه تخفــي حزنهــا

اضحـك وداخلي خيـل يكتم ونينـــه
والصبر فــي فؤادي هو يجود رسنها

الــوفي دوم مظلوم بس تكرم يمينـه
مابخل بأي حاجة وكم جاحد طعنها

والبحر فوق ظهره شـال متن السفينه
ووسط جوفه قروش رغم هذا حضنها

ادعـي الله ربــي هـو لقـلبــي يعينـه
من تــوكل على الله ضيقته قد دفنها

عاصم السحاقي .. بونصر ✍🏻

صح الله لساااانك

سلمت وصح لسانك على هذا الابداع

صح الله ابدانكم جميعا وان شاء الله نقدم لكم الجديد من قصائد الشعر الشعبي الاصيل