اشتاق لك أحيان، وأحيان، وأحيان

احتـــاج لــــك حاجـــة غريــــبٍ للأوطــان
ضاعت حياته بين ديره وديره

:
اشتاق لك أحيان، وأحيان، وأحيان
والفكر يمك كل يومٍ أديره
:
ولهان اشوفك، صدق ولهان ولهان
وأفز لا جابوا لك الناس سيره

:
أقوم واقعد والتفت واسهر أحزان
وجروح قلبي من غيابك خطيره

:

احبك بصمتي واحبك بالاعلان
وماهمني كثر الكلام وقصيره

:
انت المهم و انت الأهم وين ماكان
و أشياء لك في وسط قلبي كبيره
:
ياكثرهم حولي من فلان وفلان
وماغيرك اللي له عيوني سهيره
:
شافوك في عيني وحبك لهم بان
شافوك وماتوا بين حيره و غيره
:
غنيت لك أحلى كلامي والألحان
وغنيت لك شعري وغنيت غيره
:
من كثر ما احبك ترى الكل زعلان
هم كيفهم كلٍ يحكم ضميره
:
حبك في دمي باقيٍ كل الأزمان
كل ماذكرتك نبض قلبي يثيره
:
أنا حبيبك و انت لي اصدق انسان
بيني وبينك حب واشياء كثيره

لشاعرها

صح لسان الشاعر

وسلمت يمينك

اختيار جميل ورائع شكرا لك ~

همس الايااااااااااام كم اسعدني تواجدك
يا الانيقه
دمتي بخير وفي خير
ويسعدك ربي

:
انت المهم و انت الأهم وين ماكان
و أشياء لك في وسط قلبي كبيره
:
ياكثرهم حولي من فلان وفلان
وماغيرك اللي له عيوني سهيره

صح لساااانك

كلمات قوية

عجبتني

ولييييييييييد
منور يا ولييد
مرور وحضور اسعدني يسعدك ربي