تعال نكمل اللعبة

على غفلة ألم نـايم مابين الصبح والمصبـاح ---
صحى في داخلي مـــــارد معه لوني ومصباحه

معه طعم الشهد صافي وريح الطين والفـلاح ---
معه سلّه بها خـوخه ورمـانه وتفـــــاحه

على كوني سنـا برقه كما برقٍ ضواني و لاح ---
تبختر في فضـــا عيني بمسراحه ومــرواحه

تشّكل في جسد طفله تزيّن جيدها بـ وشــاح ---
وثغرٍ ضمّـه المبسم كما اللولـو بمسبـاحه

لها كفٍ كمــــا القمره ولـيلٍ فوقها يجتــاح ---
جمة ثغرها نهرٍسكر من يشــرب قراحه

تطيّب كل ما فيني بريح العـود عج وفــاح ---
منــه مثل الذي يسكن بروض النفل فــوّاحه

دعتني يمّهابلّمت . انا خبري بسمعي صحاح ---
تكرر صــوتها وآمنت صوتًٍ يخلف صحاحه

دخيلك قلتها خـوفٍ انـا منكم كذا مرتـاح ---
ترا صكّــيت بيبـاني على قفلي ومفتـاحـه

تراني عكسهم غايه صدوق وصدقي الوضّاح ---
سبب في كل هفواتي كماالرايــــات لواااحه

اذا لك حـاجةٍ عندي انا عيني وقلبي شحـاح ---
كريمٍ قبل ماأشهد قتيلٍ في دنــا الســـاحه

توارى نــورها عني تخافت مثل شمع وساح ---
وســــادت ظلمته حولي ولاباقي سوى نياحه

بدا فجرالملا يعلن شروق الشمس والأصبـاح ---
وورقات الشجر تصرخ وبعض الطير صدّاحه

بديت اتأمل احــلامي تمنيته امــل مــاراح ---
صحيت وحولي اغراضي قلم مرسم ومسـاحه

وقمت اكتب على بعضي ثلاث بيوت منها باح ---
غزيرالشوق له لهفه زِرِع في غفلتي واحـه

الى من همها أمري الى المارد الى الاشباح ---
الى روض النفل والطين والخـــوخه وفـلاحه

تعال نكمل اللعبه انا بــاقي كثير اجـراح ---
تعــــال العب على كيفك اسيرك طاح بجراحه

تكرّم وادفنه بيدك تراه لغيرهـا ماطـاح ---
لك الله كيف ريّحتــه وجرّدته من صيــــاحه