الجوالات ومجالس الرجال

سُم المجالس
للشاعر / محمد سالم الأحمدي

الهواتف للمجالس سم بيدات الرجال
يلتقو عشرين في المجلس وهم كلاً لحاله

لو لصت شاشاتهم يتعطل المجلس عطال
تشتعل نار الخطوط ونار مجلسهم كلاله

ذا يفسبك له وذا بالوات داخل في جدال
مع رجل بالهند او بالسند او عامد صلاله

بينما خوته على يمناه تجلس والشمال
والرجل معهم جسد والعقل بالخارج حلاله

لعنبوها خربت حتى التقارين الجلال
منعطف كمن نمر في ركن ماتسمع مقاله

تحسب انه يحقرك والكبر في صدره جبال
او تظنه آدمي جارت على ظهره حماله

من يبا التقدير لايفتح لجواله مجال
وان جلس في مجلس العربان يحفظ له جلاله

وان عجز يجلس مع الامة بعزه والجلال
خير له يجلس مع عياله ويتجمل جماله