قصيده مرسله الى الشاعر ابو قيس الصهيبي اليافعي

السلام عليكم ورحمة الله
تحيه طيبه مباركه الى الجميع في هذا المنتدى الموقر

وبعد

هذه القصيده مرسله الى الشاعر الكبير
ابو قيس الصهيبي اليافعي

يــا الله اسـالـك رحـمـتك يـاربـي انــا طـالـبك
تـغـفر زلـتـي والـخـطا يـا رحـمن يـاذو الـجلال

يـاجـبار يـامـنتقم عــاد الـظـن مــا خــاب بـك
بــك ابــدع وبـك ابـتدي نـظم الـقافيات الـجزال

قـال الـشاعر الـدهمشي يـابو قـيس بـاخاطبك
لـو عـادك بـتسمح لـنا بـاندخل مـعك في سجال

لـجل الـلي حـصل مـنكم بـا الـومك و بـا اعاتتبك
بـالاسلوب ذا الـعنصري اشـعلتوا الجنوب اشتعال

امـس الـلي حصل في عدن يا بو قيس هل عاجبك
هـل مـا صـار من مهزله بسم الشرعيه والنضال؟

او هـو حـسب مـشروعكم نـسقته مـع (صاحبك)
وظـفـتم قــوى الـشرعيه لـلتشطير والانـفصال

وش ذي صار وش ذي حصل يابو قيس وش صاربك
هـل عـادك مـع الشرعيه جاوبني على ذا السؤال

وان غـيـرت فــي مـوقـفك يـابو قـيس بـاعاقبك
وانـته تـعرف الـدهمشي وقـت الجد وقت النزال

صـح ان اخـتيار الـرُؤى مـن حـقك ومـن واجـبك
لـكن لـجل وحـدة وطـن مـا نـسمح بـكثر الجدال

هــل صـابك جـنون الـبقر ام صـدقت ذي لاعَبك
ام صـاحبت اهـل الـخدع واهـل الـنصب والاحتيال

والله انـنـي مـنـزعج مــن فـعـلك ومـحتار بـك
تـتفرج عـلى اللي حصل ويش السر يا ابن الحلال

ان كـانـك حـراكي تـرى مـضطر انـني احـاسبك
وش عـنـدك تـهـدد عـدن لا فـايد ولا راس مـاال

قـصـدك تـنـفصل عـننا مـن فـتره وانـا اراقـبك
كـم قـد قـلت لـك اعتـزل وارقـدلك مـع ام الـعيال

تـتـمسخر بـوحـدة وطـن يـالومي عـلى شـاربك
وحـدة شـعب ذي راسخه في قلبي رسوخ الجبال

ويــلـك يــاحـراك الـغـجر بـانـمحيك ونـحـاربك
حـركوشي يـهددعدن والـحوثي بـاقصى الـشمال

يـابـو قـيـس بــا ابـلغك وانـته بـلغ( اصـقالبك)
ان الـوحـده الـخـالده مـحروسه وصـعب الـمنال

امــا تـعـيش فـي ضـلها او تـرحل عـلى قـاربك
عـبـر الـبـحر لا اسـمره او جـده مـع بـو عـقال

وان كـانـك مـؤمّل عـلى (شـلالك) يـقف جـانبك
لا تـحـلم ولا تـنـخدع مــا اظـنـه يـساوي ريـال

ارحـل مـن ضـواحي عـدن مـاظني احـد غـاصبك
تــتـوحـد مـعـانـا ولا تــدخـل لا مـديـنـة ازال

وشـهـي قـصة الـحمل ذي شـليته عـلى غـاربك
والله ان حـمـلك ثـقـل مــا تـقدر عـليه الـجمال

لـو شـلال مـنك قـرب قُـرب الـعين مـن حـاجبك
لا تـركـن ولا تـنـخدع لـلـتشطير مـابـش مـجال

تــم الـبـدع مـنـي عـسى بدعي والخـبـر ناسبك
امــا تــرد يــا صـاحـبي والا تـعـلن الاعـتـزال

الشاعر يحيى دهمش
8/5/2016

يا سلااااااااااااااااااااااااام عليك
قصيده رااااااااااائعه


صح لسانك يالغالي صح لسانك وعلا شانك

صح بدنك اخي الغالي شكرآ لك

صح لسانك يابن الدهمشي

كلام قوووي

وينك يابو قيس شغل هاجسك اقطب ننتظر ردك

لاهنت يالشاعر دائما أبياتك قويه

تحياتي لك وصح الله لسانك

تحديث الموضوع

صحت ابدانكم وشكرآ على مروركم
تحياتي للجميع وخالص مودتي

صح لسانك

جواب الشاعر
ابو قيس الصهيبي اليافعي
-------

قال ابن الصهيبي غرق يابن الدهمشي قاربك
في شطئان بحري ولم تبلغ مقصدك والمنال

تتحدى وتعمل حظى لأجل اغتاض واجاوبك
كي تضهر أمام الذي ماحطوا كلامك ببال

حظك والنصيب أرسلك نحوي لأجل باعاقبك
والشيطان غرك كما غر الظان تنطح جبال

ماخافك ولو شي معك سبعه يوقفوا جانبك
باهزمكم وباحطكم رهن المسخره والهزال

اياك التطاول تراء عينك ما اعتلت حاجبك
لو ترفع يدك ما تصل لافوق الشهب والهلال

وين انته وانا وين انا لا تعصر علي شاربك
لو عندك شوية خجل ما تتبع فلول الظلال

المخلوع والرافضه شكله نهجهم عاجبك
ترفعهم وهم يدعسوا راسك بالقدم والنعال

بعت الحريه والوطن كي تحصل على راتبك
وتخيلت عن مبدئك والمله لأجل الريال

ما با التام لو قلت لك ما ريدك ولا اقاربك
لان الرافضة أصبحت تاجك والمصر والعقال

ما اوثق فيك كلأ ولا بعد اليوم با ناسبك
من بعد الخزاء والزراء ذي سيته ببنت الرجال

الوحدة فسخ عقدها قاضيها علي صاحبك
في صيف اربعه عندما جمهر عالجنوب الشمال

من ثم لقت حتفها من سيدك ومن راهبك
في ألفين خمسه عشر زالت بنت لحج وازال

اما الشرعيه بسمها نجعل ناصرك غالبك
مثل اللي فعلتوا بنا داعش قاعدة باحتيال

اما اليوم عادت عدن واصبح كفها ضاربك
غصباً عنكم بايقع بعد العاصفة انفصال

شلال أذكره انما قبل ان تذكره واجبك
تتوضى وتغسل فمك بالماء النظيف الزلال

وتأكد بأني غداً باتحرى وبا حاسبك
والمخلوع باتبصره رهن المشنقه والحبال

موجب هاجسي يكتفي باللي رد عن سالبك
رغم اني اجاوب وانا في ساعة عمل وانشغال

والله لو انا مستضي با يتعب قلم كاتبك
لكن ذي فقط سنتره واستعراض قبل النزال

وتأكد بأني انا سلطانك ومش نايبك
باجاوب بساعة على ذي الفت منذو ليال

بختم فيك يالمصطفى يامن ربنا واهبك
نور العلم والمعرفة والحكمة وحسن الخصال

روووووووووووووووووووووعه

ونعم بك يالاصيل اليافعي والله ونعم جواب كاافي واااافي

تسلم يا بن النصيري
تحياتي لك