الزمن لاصار ضدك

الزمن لاصار ضدك وش تقول وايش تسوه
مامعك الا الصبر ماعادلك باليد حيله

اصلها الدنيا كذا والرزق ماياتي بقوه
والرجال الاوفيا في ذا الزمن والله قليله

والمصيبه حين تصادق ناس مافيها مروه
ماتفكر في الوفا والود والعشره الطويله

ماتقدر كلمة الاخلاص او حق الاخوه
لاصداقه لاوفا فيهم ولا اخلاقن نبيله

بعض واحد تفتخر لاقد ذكر حضرة سموه
بالوفا والطيب والاخلاص يسوى له قبيله

والبعض لاقد ذكر في مجلس رجالن يشوه
سمعة المجلس ويذكر بالسباب وبالرذيله

آه ياحظي رماني في خلا خالي خلوه
مامعي الا الصبر وادعي لربي واشتكي له

شاب راسي من كثر ماصابني والعمر توه
مالقيت البلسم اللي يشفي النفس العليله

#الشاعر يحي دهمش#