قصيده وتعقيب

: قصيده بعنوان
""أيام معدوده""

للشاعر صبري عواض يليه ردي


ابوحمودقال غن اللحن ياشادي
واعزف حروفي على أوتار إنشوده

خليه يرقص عليها قمري الوادي
وعطّر الجو بالكاذي وبالعوده

ماعدمعي غير هاجوسي وإنشادي
وماسواها جميع اشياي مفقوده

الحظ لعوج تعيّا يستوي قادي
واناقد اعييت وانا للسنا قوده

الوضع مشئوم لاهايج ولاهادي
وموجة البحر مجزوره وممدوده

اخبارواعلام في الشاشه وفي الرادي
تخلي انظارنا للعلم مشدوده

فتن قلاقل بتزرع داخل بلادي
مؤامره خارجيه بحت مقصوده

وكل لطراف تلعب داخل النادي
بيلعبو ادوار نذله غير محموده

والشعب صامت وعنده كل شي عادي
والحرب فينا يشب النار نمروده

ثوب الفتن خاطته اعداي واندادي
لنا بمظهر حريري عالي الجوده

يكفي تفاهات ياساسات واحقادي
شعب اليمن قدخلص صبره ومجهوده

لعنه على من يخاصم خوه ويعادي
آخر دروب الخصومه دوم مسدوده

شعبي عزم يستعيد ارضي وامجادي
عمر المعانات بات ايام معدوده

ابوحمودصبري عواض
♥♥♥♥♥♥♥♥
وهذا رد
ابوشهاب ماجد سيلان:


مرحبا مرحبا بالشاعر الشادي
♥♥
ما نزل سيل من غربان والسوده

♥♥
مرحبا بو حمود قد جاكم امدادي
♡♡
رغم وانا حدودي اليوم محدوده
♥♥
بس با قول لش يا قافي انقادي
♥♥
لو جميع الطرق في الوجه مسدوده
♥♥
رغم كثر التعب مني وطرادي
♥♥
والامور الفضيعه شبه مسروده
♥♥
بت اردد قصايد من توقادي
♥♥
والمعاني في الافكار مهدوده
♥♥
ان تمددت يتعبني تمدادي

♥
و اسمع الاعصاب مشدوده
♥♥

اشكي الحال تاليها مع البادي
♥♥
قمت اتمتم باشياء غير مقصوده
♥♥
قمت اعدعد وقدذا فاقت اعدادي
♥♥
الذي باينه واشياء موجوده
♥♥
ساكن انا ونفسي راس فدفادي
♥♥
بالعسر حالتي والشعب مكبوده
♥♥
السبب والمسبب للوجع هادي
♥♥
ذي جعل حالنا يا ناس معصوده