قصه من تاليف اختي

الـــفـــهـــد
عاد انــــــــــــاااه مثلك ماادري
وش بيصير
اكيد لما تخلصها يبو لها
جائزه وانـــــــاااه باخذها نيابه عنها
هاهاهاي

له له له وين الثالث

ضروري تنبهينا برساله والله قصه حلوه اهم شي انها تكون لفهد هههههههه متاثر على فهد تقول انه انه اخي والا ولد عمي

كان لو شكعتيهن كلهن مع بعض

تشتي تحمسينا .. افففف منش

ع ـــــــــــــــــواد

عشان تتشوووووووق للحلقه القادمه
هاهاهاهاي

يابنت شوفيك راح تورطينى
وراح نصدق احنا ونروح فيها
شوقتينى الى كل كلمة وحرف من مسلسلك التركي
ممكن تضيفيني من اصحاب الشخصيات الي في القصه بنت مارب وتحطيني واحد منهم
ههههههههههه

دايــــم الــعــزء

هاهاهاي
والله لو انــــــــــــااه الكاتبه بحطك

فكرتش جبتي الثالث
يعني جينا عالفاضي . خسرتينا بترول

الجزء الثالث

اليوم الثاني
صحت أسماء وكالعادة بتروح الشركة ، نورة ما كانت اداوم عشان كان عندها إجازة لأن الامتحانات قربت وتستعد للامتحان .
بس قايمة من الصبح اذاكر ما شاء الله عليها .
أمها ادش عندها الغرفة
أسماء : نورة انتي صاحية
نورة : اي يمه اذاكر شسوي .
أسماء : عفية على بنتي الشاطرة .
نورة : يمه ناصر ما قام ؟
أسماء : لا يمه خليه نايم تراه تعبان من السفر ، تبين شي يمه بروح الشركة ؟
نورة : لا يمه سلامتج ، بس ديري بالج على عمرج .

أسماء وصلت الشركة وراحت على مكتبها ، قعدت وبعد شوي يدش عليها فهد .

فهد : صباح الخير على أحلى عمه بالدنيا .
أسماء : صباح النور فهد اقعد ابيك .
فهد : خير عمتي آمري .
اسماء :خلصت المخطط ؟
فهد : ايه بس يبي له شوية تعديلات وإذا خلص بجيبه بكرة بالكثير يكون عندج .
أسماء : زين عيل بكرة ضروري يخلص .
فهد : ولا يهمج بكرة من الصبح يكون عندج ان شاء الله .
أسماء : ناصر أمس جا من كندا .
فهد : صج والله الحمد لله على سلامته . اليوم بمر أشوفه .
أسماء : خلص ننتظرك اليوم .

ادش السكرتيرة ندى
ندى : الملف والأوراق اللي طلبتيهم .
أسماء : خليهم عشان أوقعهم .
ندى تحط الأوراق عالطاولة وتروح .
فهد : يلا عمتي استأذن عندي شغل .
أسماء : اذنك معاك .
فهد يروح على مكتبه


المغرب : فهد كان لابس وكاشخ حده ، وهو طالع امه تشوفه وتناديه .
أم فهد : على وين يا ولدي .
فهد : ايه يمه نسيت أقولج بروح بيت عمتي .
أم فهد : شعندك هالأيام مطيح عندهم .
فهد : يمه ناصر أمس وصل من كندا بروح أسلم عليه .
أم فهد : وليش ما علمتني عشان أروح وياك .
فهد : نسيت يمه ، قولي حق أبوي بعدين يوديج .
أم فهد : أبوك محد ، وأنا من زمان ما مريتهم بروح وياك .
فهد : خلص يمه روحي لبسي انطرج .

راحت أم فهد تلبس عباتها وطلعت مع فهد .
وصل فهد مع أمه فهد يطق الباب والخدامة تبطل .
فهد : وين ناصر .
سكينة : ناصر داكل .
وتنادي ناصر .
ناصر : شعندج منو ؟
ويشوف فهد .
ناصر : هلا فهد هلا حياك تفضل .
فهد يسلم : شلونك ناصر حمد لله عالسلامة .
ناصر : الحمد لله بخير .
ويسلم على أم فهد ، ويدشون داخل .
أم ناصر تروح لهم .
أم ناصر : هلا هلا فهد ، هلا عاشة .
أم فهد : شلونج أسماء ووشلون نورة ؟
أم ناصر : الحمد لله بخير .
يقعدون وفهد في نفسة وده يشوف نورة .
أم فهد : الا وين نورة ؟
أم ناصر : الله يعينها عندها دراسة اذاكر ما بقى شي عالامتحانات .
ناصر : يمه ناديها خل تسلم ما يصير جذي .
أم ناصر : خلص بروح أناديها .
تروح أم ناصر حق نورة واطق الباب .
نورة :دشي يمه .
أم ناصر : فديتج يمه ، يلا تعالي فهد وأمه يبون يسلمون عليج .
نورة : زين يمه جايه .
نزلوا أسماء ونورة ويوم يشوفها فهد تم يطالعها وناصر انتبه لنظرات فهد ، ونورة تسلم على أم فهد .
أم فهد : ما شاء الله عليج يا نورة كل مرة أشوفج تحلوين زيادة عيني عليج باردة .
نورة انحرجت من كلام أم فهد .
فهد يسلم : شلونج نورة ؟
نورة : الحمد لله بخير .
ناصر : غرقانه بالمذاكرة .
ام ناصر : اي والله الله يعينها .

نروح حق بيت بو مبارك
يوسف قاعد وسرحان ويدش عليه أخوه مبارك
مبارك : ها شعندك وين رحت ؟
يوسف : كاني قدامك ما رحت مكان .
مبارك : اللي ماخذ عقلك ؟ أكيد وحده كنديه شاغلة بالك .
يوسف : لا كنديه ولا غيره ، لا يروح فكرك بعيد .
مبارك : كم باقي لك عالتخرج ؟
يوسف : يعني سنتين ثلاث بالكثير .
مبارك : ما تعبت من الوحدة .
يوسف : لا معاي رفيجي ناصر .
مبارك : مب قصدي بس أقول لو تتزوج مو أحسن لك .
يوسف يتذكر نورة : والله يعني لو وحدة حلوة مثل اللي فبالي ما عليه .
مبارك : اعترفت يعني في وحدة وخاش عني .
يوسف :انت ليش شاغل نفسك فيني ؟ مع انك أكبر مني ولازم تتزوج قبلي .
مبارك : انت ظروفك تختلف ، عايش بغربه وما يندرى عنك ، أخاف تنحرف .
يوسف : لا تخاف علي أنا رجال عارف ربي زين .
ادش عليهم ليلى .
ليلى : الله يستر شعندكم مجتمعين ولا مجلس الأمن ؟
مبارك : لا مجلس الشورى .
يوسف : قعدي ليلى من زمان عن سوالفج .
ليلى :ايه قول حق نفسك ثلاث سنوات ما تزورنا ؟
يوسف : شسوي الدراسة ما ترحم .
مبارك : اللي أعرفه ان الشغل ما يرحم مو الدراسة .
يوسف : خبرك عتيج هذاك أول الشغل ، الحين الدراسة .
ليلى : اي والله الدراسة ، صايرة هم وغم حتى في الجامعة مع ان التخصص سهل والمواد سهلة ، بس طلبات الأساتذة ما تخلص كله أبحاث ومشاريع ، صرنا نسوي أبحاث أكثر ما ندرس .
مبارك : الله يعينكم الحمد لله خلصت واشتغلت .
يوسف : ايه شعليك .


اليوم الثاني الصبح

أم ناصر تروح الدوام وصلت الشركة وتشوف الموظفين محتشرين .
أم ناصر : اصاير ؟
السكرتيرة : ما عرفتي ؟ أبو عبد الله بدو يجي اليوم عالشركة .
أم ناصر تضايقت يوم سمعت طاريه وراحت على مكتبها .

أبو عبد الله مثل ما عرفنا شريك أم ناصر في الشركة ، عصبي ومشاكله وايد ، وأم ناصر مشت معاه بالسياسة عشان تفتك من شره وقدمت بعض التنازلات عشان تفتك من أذيته .
أبو عبد الله متزوج من بنت عمه وعنده ولد واحد بس اللي هو عبد الله ، وايد مدلل والدلال أفسده ، فاشل في دراسته وراعي سوالف بطالية .

أم ناصر في مكتبها قاعدة وادش عليها السكرتيرة .
ندى : أم ناصر أبو عبد الله بدو ياكي .
أم ناصر : شيبي هذا ؟ ليكون مفكرني موظفة عنده ؟
ندى : ما بعرف بس هو آل عاوزك ضروري .
أم ناصر : خلص بروح له بعد شوي .
طلعت السكرتيرة وراحت أم ناصر مكتب أبو عبد الله .
أم ناصر اطق الباب
أبو عبد الله : تفضل .
أم ناصر : شلونك بو عبد الله ؟ حمد لله عالسلامة .
بو عبد الله : الله يسلمج تفضلي .
أم ناصر تقعد : خير بو عبد الله شبغيت ؟
بو عبد الله : ولدي عبد الله من بكرة بيداوم عندنا في الشركة ، وحبيت أبلغج .
أم ناصر : ولدك عبد الله شنو شهادته ؟
أبو عبد الله : ولدي عبد الله ما يحتاج شهادة ، كفايه انه ولد بو عبد الله ، ومثل ما شغلتي ولد أخوج ولدي بعد بيشتغل .
ام ناصر : ولد أخوي مهندس عنده شهادة جامعية وأخلاقة عاليه .
أبو عبد الله عصب: شقصدج يعني ؟ ولدي أنا اللي جاهل وبلا أخلاق .
ام ناصر : والله محد مضيعنا غير هالواسطات اللي تحط أشخاص غير مناسبين في اماكن ما تصلح لهم .
أبو عبد الله بصراخ : شركتي وكيفي بعين اللي يعجبني ، بس حبيت أبلغج للعلم فقط ، مو آخذ رايج والا أنطر موافقتج .
أم ناصر : عيل ليش مناديني ومتعب عمرك ؟
وطلعت من مكتبه وهي معصبه .

أم ناصر كانت وايد حازمه في تعيين الموظفين وما تعين الا الكفاءات والواسطة ما تمشي عندها .
وهي رايحة على مكتبها يشوفها فهد .
فهد : شفيها عمتي شكلها ما يطمن ؟ الله يستر ما دام رد بو عبد الله يعني المشاكل ردت وياه .
ويروح لها المكتب .
فهد يطق الباب ويدش : عمتي شفيج معصبة ؟
ام ناصر: هالمخرف بو عبد الله بيعين ولده في الشركة .
فهد : ولده عبد الله ما غيره ! لا بالله ربحنا .
أم ناصر : مناديني عشان يرفع ضغطي يقول أنا ابلغج للعلم فقط ، مو عشان آخذ رايج أو انطر موافقتج ( وتقلده بالكلام ) .
فهد : ههههه وانتي شعليج خل يعينه وأنا براويج فيه .
أم ناصر : تكفى فهد خله يولي ما بي مشاكل .

الظهر ردت أم ناصر البيت وهم قاعدين عالغدا أم ناصر سرحانه وما تاكل .
ناصر : يمه شفيج ما تاكلين .
نورة : يمه شكلج تعبانة .
أم ناصر : لا ما في شي بس مشاكل عادي مثل كل مرة .
جاسم : ما دام قلتي مشاكل أكيد بو عبد الله رد من السفر .
أم ناصر : اي رد الله لا يرده .
ناصر : هذا مو مريض ؟ فيه شدة حق المشاكل ؟
نورة : هذا المفروض يحنطونه ويحطونه في المتحف .
الكل : ههههههههههه

يا ترى شنو راح ينتظر أسماء من مفاجآت بعد دخول عبد الله الشركة ؟

الجزء الرابع

العصر

يوسف يتصل على ناصر : ألو ناصر
ناصر : هلا يوسف شلونك .
يوسف : والله ملل يا خوي شرايك نطلع اليوم ؟
ناصر : اي والله من يوم جينا ما طلعنا مكان .
يوسف : خلص بمرك اليوم ونطلع .
ناصر : خلص انتظرك .
يوسف : الساعة سبع خلك جاهز .
ناصر : أوكي .
يوسف : يلا مع السلامة .
ناصر : مع السلامة .

نورة كانت قاعدة وتسمع
نورة : هذا رفيجك اللي وياك في المطار ؟
ناصر : ايه هذا يوسف .
نورة سكتت وتمت تفكر .
ناصر : شلون المذاكرة وياج ؟
نورة : هذا احنا الامتحانات بتبدأ بعد كم يوم .
ناصر : الله يعينكم بس وايد متأخرين .
نورة : اي والله السنة وايد طويلة .
أم ناصر ادش عليهم وماسكة راسها : أي راسي صداع ، نورة يبي لي بندول .
نورة :شفيج يمه سلامتج .
ناصر : بسرعة نورة روحي يبي الدوا .
نورة بسرعة تروح عشان تجيب الدوا .
ناصر : للحين مضايقة من سالفة الصبح مع بو عبد الله ؟
أم ناصر : أنا تعبت يا ناصر وما عدت أقدر استحمل مثل أول .
نورة تعطي الدوا حق أمها : يمه خله يولي ولا يهمج فيه .
ناصر : يمه إذا تعبانة ليش ما تبيعين نصيبنا في الشركة وافتكي من عوار الراس .
أم ناصر : لا يا ولدي ما اقدر وصية أبوك اني ما اتنازل عن حقنا .
ناصر : يمه أبوي ما يدري انه بيصير كل هالمشاكل .
أم ناصر : مب بايعة بس عندي حل ثاني .
ناصر : شنو هالحل يمه ؟
أم ناصر : بعدين بقولك إذا وافق فهد .
نورة : شنو دخل فهد في الموضوع ؟
أم ناصر : بعديين تعرفون .


في بيت أبو فهد .
فهد قاعد في غرفته ويسمع أغاني ويدش عليه أبوه ، ويوطي على صوت المسجل
أبو فهد : شفيك يبه صرت ما تقعد معانا مثل أول كله بروحك وسرحان ومع هالمسجل .
فهد : يبه شسوي أضيع وقتي .
أبو فهد : تعال يبه أقعد معانا ، أختك فاطمة هني وتبي تشوفك .
فهد : فطوم هني؟ خلص جايكم .
نزل أبو فهد وفهد راح وراه ويسلم على فاطمة .
فاطمة : ها فهد شلونك وشلون الشغل وياك .
فهد : حمد لله ماشي .
فاطمة : ماشي ولا قاعد ؟
فهد : لا واقف .
فاطمة : ههههه
أم فهد : وشلون عمتك يمه ؟
فهد : بخير بس بو عبد الله رد من السفر وردت المشاكل وياه .
أبو فهد : وهذا ما تملل من المشاكل للحين فيه شدة .
فهد : ايه يبة فيه شدة وضمة ، هذا مثل القطو بسبع أرواح يطيح ويروح يتعالج عقب يرد لنا بمشاكله اللي ما تخلص .
فاطمة : وشعنده بعد ليكون خطب عمتي مرة ثانية .
فهد : لا هو يعرف ان عمتي ما تعطيه ويه فليش يفشل عمره ، بس طالع لنا بسالفة يديده يبي يعين ولده في الشركة .
فاطمة : بل الله يعينكم ، مو كفاية مشاكلة بعد بييب ولده وياه .
فهد : شفتوا شلون الله يعين عمتي عليه .









المغرب
راح يوسف حق ناصر ويطق الباب .
ناصر يبطل : هلا يوسف هلا تفضل .
يوسف : ليش مو لابس ؟
ناصر : تفضل يوسف دش بنقعد في البيت ما اقدر اطلع .
يوسف : عسى ما شر شفيك ؟
ناصر : ما فيني شي بس الوالدة تعبانة شوي ما اقدر اهدها واطلع .
يوسف : لا سلامات ما تشوف شر .
ناصر :تفضل خل ندخل داخل .
ناصر ويوسف يدشون المجلس .
ناصر يروح حق نورة اللي كانت قاعدة بالصالة مع أمها .
وأم ناصر كانت ساندة راسها عالكرسي .
ناصر : نورة سوي لنا شي عندي ضيف .
نورة: زين .
وتروح صوب المطبخ وجهزت كل شي وبعدين تعطي سكينة الصينية عشان تودي حق ناصر .
سكينة تروح المجلس وتحط الفوالة عالطاولة .
ناصر يقوم يصب القهوة ويحط من الحلويات اللي مزينة بطريقة حلوة .
يوسف : ما شاء الله خدامتكم وايد شاطرة .
ناصر : هههه أي خدامة خدامتنا ما تعرف شي .
يوسف : أكيد الوالدة أمهاتنا خبيرات بهالسوالف .
ناصر : ولا أمي هذي اختي خبيرة الحلويات .
يوسف : ما شاء الله اللي اعرفه ان بنات هالزمن ما يعرفون يقلون بيض حتى .
ناصر : بس نورة خبيرة طبخ خصوصا الحلويات .
يوسف سرح وفي نفسه يحليلها والله ما ظنيتها ادش مطبخ عبالي مدللة .
ناصر : ها وين سرحت ؟
يوسف : ها ولا شي الحلو لذيذ .

ويسمعون صراخ نورة .
نورة : ناصر ألحق علي .
ناصر بسرعة يقوم ويركض .
ويوسف تم واقف ومو عارف شنو يسوي .
نورة تصيح : يمه يمه ردي علي .
ناصر : شفيها اصاير .
ناصر يحاول يقومها .
يوسف ما قدر يقعد ويروح لهم .
يوسف : اصاير ناصر؟
ناصر ويوسف يشيلونها ونورة تروح بسرعة تلبس عباتها وتلحق ناصر وتركب السيارة

ناصر يسوق بسرعة ونورة ماسكة أمها وتصيح .
ويوسف لحق وراهم بسيارته .

وصلوا المستشفى وجابوا لها سرير ودوها ودخلوها غرفة الطوارئ .

نورة وناصر واقفين في الممر ونورة متوترة وتصيح .
يوسف يروح حق ناصر : ها اصاير طمني ؟
ناصر : مدري والله دخلوها داخل الله يستر .
نورة واقفة وتصيح وناصر يروح لها : بس يا نورة ارتاحي وان شاء الله يصيرخير .
يوسف يروج لهم : ما عليه ان شاء الله ما عليها شر .
نورة اطالعه والدموع مبللة ويها .
يوسف يطالعها وكاسرة خاطره : لا تخافين ما يصير لها شي ان شاء الله .

وبعد شوي يطلع الدكتور زناصر يكلمه : ها دكتور شفيها ؟
الدكتور : انتوا مزعلينها؟ الضغط كان وايد مرتفع عندها وكان ممكن يسبب لها جلطة ، بس الحمد لله لحقنا عليها وهي الحين نايمة .
ناصر : ممكن نشوفها ؟
الدكتور : خلوها ترتاح اليوم وبكرة من الصبح تقدرون تشوفونها .
نورة : لا ما اقدر أخليها لازم أقعد معاها.
الدكتور : هي في رعايتنا لا تخافون عليها .
ناصر : خلص يا نورة قعدتنا ما منها فايدة خل نروح وبكرة من الصبح احنا عندها المهم تطمنا عليها .
نورة : بس أشوفها شوي قبل ما أروح .
الدكتور : خمس دقايق بس .

نورة راحت صوب أمها ، دخلت عليها لقتها نايمة وحاطين لها المغذي والأكسجين .
نورة تصيح وتحب راس أمها .
نورة : يمه حبيبتي الله يخليج لنا ، يا رب قومه بالسلامة .
وطلعت نورة وتصيح .
ناصر يشوفها : لا حول مب شفتيها خلاص ؟
نورة : ناصر أنا خايفة عليها .
يوسف : لا تخافون بكرة بتصير أحسن .
نورة : الله يسمع منك .
ناصر : يلا خل نمشي وبكرة يصير خير .
يوسف سلم عليهم وطلع .
ونورة وناصر بعد راحوا البيت .


يوسف في سيارته ويفكر : يا ربي هالبنت وايد مميزة غير عن اي بنت فيها شي مميز ما شاء الله عليها سواء كان أخلاقها أو جمالها .

وصل البيت وسرحان وهو داخل يشوفه أخوه مبارك .
مبارك : يا هوه اللي ماخذ عقلك .
يوسف انتبه : هاه شفيك خرعتني .
مبارك : شعندك هالأيام كله سرحان وتفكر .
يوسف : ما عندي شي عندي مفتاح سيارتي تبيه ؟
مبارك : تنكت ويا ويهك ؟ علينا هالحركات ؟ تراني اعرفك زين أنا مبارك أخوك الكبير.
يوسف : زين انك كشفتني ، أنا بصراحة أفكر في الموضوع اللي قلت لي عليه .
مبارك : اي موضوع ؟
يوسف : موضوع الزواج ، مو انت قلت لي أتزوج عشان ما انحرف .
يوسف : ايه قول جذي أكيد في وحدة في بالك ؟
يوسف : الصراحة ايه في .
مبارك : زين كلم الوالدة والا تبيني أكلمها .
يوسف : لا مو الحين هم الحين ظروفهم ما تسمح .
مبارك : وليش يعني ؟
يوسف : عندهم شوية ظروف .
مبارك : زين من هم أعرفهم ؟
يوسف : لا ما تعرفهم بس أنا اعرفهم ، هي أخت رفيجي اللي وياي بكندا اسمه ناصر .
مبارك : ما دام ناس طيبين ليش التأخير .
يوسف : هم وايد زينين بس أمهم تعبانه شوي في المستشفى ، وعقب ما تطلع ان شاء الله بخلي الوالدة تروح لهم تحمد لهم بالسلامة وبالمرة تتعرف عليهم .
مبارك : يا خطير أتاريك مب سهل .
يوسف : ايه شعبالك .





اليوم الثاني الصبح
نورة تقوم من النوم الساعة ست الصبح ، أصلا هي ما نامت قاعدة تفكر في امها وخايفة يكون صار لها شي وقعدت تصلي وتقرأ قرآن وتدعي حق أمها لين طلع الفجر ، وبعدين تسبحت ولبست وراحت تصحي ناصر، وتشوف باب غرفة خالها جاسم مسكر وتذكرت : ايه خالي ما يدري لازم اقول له ، أول بروح اصحي ناصر ، خالي يبي له سالفة لين يصحى .

راحت تصحي ناصر وبعدين راحت صوب غرفة خالها ، اطق الباب ومحد يرد : خالي خالي بطل .
ما في رد
فتحت الباب ودخلت لقت الغرفة مظلمة ومعفوسة عالاخر .
نورة : خالي خالي قوم .
ولا في فايدة .
تصكر المكيف وتبطل الدرايش .
جاسم يغطي ويهه باللحاف ونورة تروح له : خالي خالي يلا قوم .
جاسم : شفيج شتبين بنام تعبان .
نورة : خالي يلا قوم بسرعة أمي تعبانة في المستشفى .
جاسم يفز : ها وش قلتي أسماء شفيها ؟
نورة : أمي تعبت علينا أمس ، ارتفع عندها الضغط وديناها المستشفى .
جاسم : وليش ما قلتوا لي ؟
نورة : خالي انت كنت محد وبعدين اللي صار نسانا كل شي ، انت ماشفتها يوم طاحت علينا كنا خايفين عليها .
جاسم يقوم : خلص بغسل والبس وجايكم .
نورة نزلت وبعدين ناصر وجاسم وراحوا المستشفى .
عالساعة ثمان الصبح كانوا في المستشفى وراحوا صوب غرفة أسماء .

نورة ادش وتحب راس امها وتحضنها .
نورة : حمد لله عالسلامة خوفتينا عليج .
أم ناصر : الله يسلمج .
ناصر يروح يحب راس امه : حمد لله عالسلامة يا الغالية .

جاسم يحط الورد عالطاولة : ما تشوفين شر يا ام ناصر .
أم ناصر : الشر ما يجيكم .

قعدوا وبعد شوي جا الدكتور وتم يفحصها .
ناصر : ها دكتور شلونها الحين ؟
الدكتور : لا الحمد لله الضغط نزل .
جاسم : متى ترخصونها ان شاء الله ؟
الدكتور : بكرة أو بعد بكرة بالكثير ، عشان نطمن عليها أكثر .
طلع الدكتور .
تلفون ناصر يرن .
ناصر : الو .
فهد : ناصر وين عمتي ؟ اتصل عليها تلفونها مغلق .
ناصر : الوالدة تعبانة واحنا الحين عندها في المستشفى .
فهد : عمتي تعبانة ؟ من متى ؟ وليش ما علمتوني ؟
ناصر : والله من اللي صار نسينا نقولك .
فهد :زين اي مستشفى ؟
ناصر قاله على اسم المستشفى وعطاه رقم الغرفة .

فهد : يلا جايكم مع السلامة.

بعد ساعة كان فهد في المستشفى .
فهد : حمد لله عالسلامة عمتي ، ما تشوفين شر .

أم ناصر : الله يسلمك يا فهد شلون الشركة والشغل ؟
فهد : حتى وانتي تعبانة تسألين عن الشغل ؟
جاسم : قول لها ، هلكت عمرها في الشغل وهاي النتيجة .
نورة : يمه خلي الشغل يولي أهم شي صحتج .
أم ناصر : بل ما يسوى علي سألت .
الكل : ههههههههههه

نورة تمت ويا امها وقالت بتبات معاها .

وناصر وفهد وجاسم راحوا .

نهاية الجزء الرابع

يا سلام على القصه بس شكلها مطوله

عاد اختك تنفع تكون مؤلفة افلام ومسلسلات هههههه

يسلموو بنت مارب

تحياااتي لك

ياهوه ياعالم ياناس
وينك من زمان بنت مارب
لك كل الشكر