|
|
|
|
|
|
|
|||||||
| •• الشـــــعــر الشـــــعبـي القصائد والزوامل الشعبيه اليمنيه التراثيه محاورات ومناظرات دواوين اكبر الشعراء اليمنيين |
|
|
أدوات الموضوع | انواع عرض الموضوع |
15-04-2012, 01:59 AM
|
#1 | ||
|
  
تاريخ التسجيل: 24 - 1 - 2009
الدولة: niagra falls ny USA
المشاركات: 23,736
معدل تقييم المستوى: 100 
|
الجواب الرابع لشرف الدين فاضل علا الشاعر ابو ريم اليافعي
السلام عليكم اخواني اسعد الله اوقاتكم بكل خير وكما عودناكم في ساحات الشعر الشعبي يسعدني ويشرفني ان اقدم لكم كل جديد ومع قصيده للشاعر الشعبي / ابو ريـم اليافعـي وهي مرسله للشاعر القدير / شرف الدين فاضـل ---------- ------- قال ابو ريم با تنهجر بقوه وأيمان == من شوامخ ابيه معتليه حصينه مل صبري نفد والكيل طافح ومليان == والخطر دق نا قوسه بوقته وحينه الوطن عار بل واجب على كل انسان == يعتني في تراب ارضه ويعلى بدينه من تدنى يعيش العمر بالذل مهتان == نفس لنسان اما عزته او تهينه بالكرامه يعيش المرى والعز مصتان == او يموت له والنفس تبقى يقينه من يبيع الشرف ما عاد له اي حسبان == بصمة العار تبقى مختمه في جبينه عصمة القبيله والعز والود ولحسان == والكرم والشجاعه والصفات الحسينه تاج عالي تعلى روس اجياد شجعان == كنز للأوفياء يبقى وثروه ثمينه يذكر المرى بخلاقه وطيبه ولتقان == قرحه الجيد تبقى بعد موته طنينه بعد ذا يا رسول اخو عمر موعدك حان == شد حيلك ولا اتئخر مسيرك دوينه في عجل من ربوع ارض اليمن خير لوطان == ارض لبطال عن لعدى عصيه مرينه لا ولايه وقل لي منعكم اين عنوان == فارس الشعر دلوني عليه اين ابينه دوره اين هو في كل احياء مريكان == وعطه الخط بختم احمر يئكد ضمينه ضمن الخط يد سيد القوافي وسلطان == ذي بشعره يدر احروف نمى شنينه فاق كل القيم شاعر مخضرم وفنان == قد تغذي تمور الشعر من ذو جنينه شاعر العود نجمه في السماء للملا بان == شاع ابو يونس اسمه كلهم عارفينه قبل ما يقرى المكتوب رقه بلفنان == وهده الور لبيض والزهور الزوينه رشه العطر هو وولاد عمه ولخوان == والذي في يساره رش وذي في يمينه كل من له صله في العود شيبه وشبان == رافعين المقام اهل العقول الزكينه لوفياء قدرهم ساكن وسط نون لعيان == كسبهم كنز ونعم بالرجال المتينه ذا خرج فصل والثاني به اخبار وعلان == عن بلاد السعيده ريفها والمدينه يا شرف جيت اتحاور معك وشرح الشان == كل واحد برايه حر يقسيه يلينه اولاً ضاء دربه من نهج سير لتقان == فاز من يتبع الحق والصراحه ركينه ما تدوم البواطل والغلط طول لزمان == لا ولا ضاع حق مضلوم رادد انينه طالما مطلبي حق دلله كل برهان == والنبي ما يضيع للأرض تصبح عجينه اسمعو جيداً يا معشر الأنس والجان == وكتبوا بالعداله حكم بيني وبينه تم خدعي وطعني امس بالغدر والان == لا اطيق المواجع والجروح الحزينه كم تحملت من الأم تدمي وبهتان == فوش ما عاد اضلي في قيودي سجينه لا بد اليوم ازيل همي وحزني ولشجان == فرحت القلب في يوم الجلا واحنينه حن قلبي وشوقي لا منى سود لعيان == ناسعه جعدها للخصر سينه بسينه جننه بي وناء من حبها همت ولهان == آح اناء لا متى العاشق يلاقي ضنينه آح اناء لا متى با ضم خلي بالحضان == وجمع الست وشعر بالهناء والسكينه ليس اضلي مضيع بين يائس وحيران == طالما الجيم لي والعين دوله كنينه با يتم الحدث والكيل من فوق ميزان == كل واحد يشل حقه ويقنع بطينه سلم في سلم ون يشتون قوه وميثان == كل واحد بيعرف يا شرف من قرينه لكن احسن لناء نبقى حبايب وجيران == وحسن ان نبتعد من كل نمى ضغينه ما نضلي كذا في ضل عداوه وعدوان == كل واحد معه ألي مجهز شحينه حينها با يبانوا من لها وسط ميدان == ساعه الحر يخرج كل اسد من عرينه بعدها يا شرف ما شي يفيد التمنان == هكذا النار تاكل كل ما بالكمينه موقفي ذاء ولو ما كنت راضي ورغبان == لا محاله وكلاً قد بينضر بعينه كل واحد معه عقله وعينان وئذان == من يشوف القلط والضلم لازم يدينه تم قولي وبا اهدي لك عسل نوب جردان == صاحبي الجيد من فوق راس علينه ذاء وجاني خبر بالامس ياليت ما كان == ريت والعود ما اتعرض لهجمه دفينه هل صحيح ان ابو قاسم قصف راس ذودان == دمر العود كامل والواء انوى دحينه قد سبق له ودمر كور حمره ببركان == جرع الجحف ويغذيه من كل شينه حسين يستاهل انه زنف درويش دوشان == دايماً بالأسى والسوى نسمع رطينه واليفاعي قوي راسه وله كتف دحان == ذي يعاند يفاعي ربناء با يعينه اذكروا ذي بذكره تنجلي كل لحزان == يسعد القلب واتنزل الينا السكينه ----------- -------- تحيــهـ وجل احترام للجميــع أبــو ريــم اليافعــي وهذا جواب شرف الدين فاضل على الشاعر القدير الاخ الغالي ابو ريم اليافعي مرحبا باخي ابو ريم صح لسانك على البدع الرائع وانت شاعر لا غبار عليك ولي الشرف ان اتحاور مع رجل شهم مثلك وباخلاقك الغالي من قمم تعتلي كل المعالي بذودان == من شموخ الادب والشعر يا عارفينه من شوامخ لها تاريخ واضح وقد بان == مسكن الجد ذي ارخ شروعه ودينه* قلعة المجد ذي شيد بها صرح قتبان == والملك ذي يزن والحميري له مدينه* انه العود ذي موروث حمران الاعيان == مركز السلطنه والديوله في جبينه* كله ابطال مجروبه وللوزن ميزان == عود سالم له التاريخ ذي رافعينه ادبرت تركيا من قوة ألباس والشان == كل غازي شرد من خوف ذي ساكنينه سطر الدهر له لوحه بها اشكال وألوان == قد نحتنا بطولتنا بروس الزبينه هكذا قد خلقنا الله شجعان شجعان == من قديم الزمن واحنا الأيادي الامينه ها وانا فاضلي منسوب للجد قحطان ==جد كل العرب والقبيله بي مكينه جدي الشيخ ذي خلد صفاته بقيفان == ذي حكم باليمن معروف شده ولينه ننصر الحق والمضلوم ما قط يهتان == من وصل عندنا ينجى وله ما يبينه يا شوامخ بني فاضل ويا حيد ما لان == رحبو لي بصاحبنا لسانه فطينه مرحب الصوت يا ابو ريم مني والإخوان == كامل العود قد رحب بنحر السمينه ضيفتك عندنا واجب من المعز والضان == والابل والبقر والقات غصنه يلينه ضيف غالي وقدر اليافعي قدر وزان == مرحباً يا زميل الشعر مولا السكينه صاحبي صاحبي والضيف له قدر لا بان == نكرمه بالوفا والخير وافر ثمينه قد وصلني كتاب من لسن ابو ريم واوزان == جاب لي عطر وانا أهديه ما يكفيينه كل ورده بدلها له جبا سته أطنان == والعطور رشرشه رشراش مثل الشنينه لك ولاهلك واصحابك من الزهر بستان == عم يافع بتقديري وهم بالفهينه قدركم عندنا غالي وانتو لنا إخوان == والوطن متحد وكلنا حاميينه وحدة الشعب باتبقى علا مر الازمان == لن نفرق ولا نرضا بذي بايعينه من يبيع الوطن غلطان مليون غلطان == ومن يبى التفرقه نقول تبت يدينه واتصحك في نصيحه خلها وسط الاذان== لا تصدق من أتخلف ومن باع دينه دوم حب الوطن طاعه لمولى ورحمان ==عادت الكذب ما ينفع شف الكذب شينه لا تقول ست والوحده اتت لك ببرهان == واليمن مكتمل وله جباله وطينه والفتاه اللتي تعشق قد الكل عشقان == عاشقة زوجها ماشي معاها طبينه ام للكل والطاعه وجب منك الان == قد معاها حلي ولابسه خير زينه لا تخرب علا الاسره اذا انت ولهان == خل حب الامومه في علاقه متينه* من يقول انفصال انسان والله مهتان == ما معه عقل او يمكن دماغه عجينه شوف لا تنفعل بالكذب والصدق قد صان == ان تبى خير اصل الخير واضح سنينه لا يغرك غنا اهل المغاني والألحان ==عندنا نغمة الرشاش نغمه حسينه من يجينا يريد الشر نفنيه بامكان == نجعله عبرت الدنيا وجثه دفينه وايش مهراك للريوي وهو صار تعبان == صار في قبضتي مازال عندي رهينه قد تعشيت من دمه بعهد القمندان == وانت عادك مسرح لك بسرحه حزينه شوف ثابت عوض والقاسمي والعويضان ==لا شرف يحضرو والكل قبل يدينه عيبك انك ذكرت ياليافعي حصن ذودان == ما قدر له ملوك الارض ولا له قرينه سير واقرأ في الإكليل اقرأ بامعان == با ترا وايش معنى العود من كاتبينه لا يقارن ولا مثله وطن ساد الأوطان == اعقلو يا بني ادم بلاش الذغينه وايش باقي تريد يا يافعي بعد ما كان == الرئيس منكم والحاشيه ذي تعينه والحكومه وعد ياكم وزارات مليان == ايش باقي لكم من بعد ذي عاطيينه وايش به ترتضو لا تسمعو قول شيطان == عقلو منكم انسان نفهم طرينه با نعالج أمور الناس من صدق بإتقان ==والذي زاد مكره كلنا با ندينه فكرو صح بالتصحيح لا بالتحنحان == لا تقول اااح والاحات من *جارحينه اصلحون النوايا لأننا كلنا إخوان == وانت عاقل فلا ترضا الوطن ان تهينه صرتو أنتو ثلاثه اقسام واشكال والألوان == ما درينا من الي منكم صان دينه ذا حراكي وذيه قاعده يعلن اعلان == والذي صار في السلطه معه داعمينه ليش ما نتفق نبني وطن دون بهتان == نطلب الحق نتعامل بذي ينفعينه عادت السلم يتسيطر وللشر دحان == يسكنون اليمن اهل العقول الرزينه عادت الخير يتوزن بهيبه وميزان == عكس للشر ذي طبعه اموره مهينه ما ابو هند يا ابوريم ماهوش دوشان == شوف ابو هند هو مشياخ بارضه وطينه* ومن العيب ان نجرح مشاعر بقيفان == والقصيد هو أدب والشعر له ناسخينه لا هنا واكتفي بالرد والصوت رنان == وايش مثل القصايد والسلا والمعينه والزوامل لها رجات والقبيله شان == والقبل والعروف بارض اليمن هي ثمينه والاخا والصفا غايه بها الكل يصتان == وأرضنا طيبه يا صاحبي هي حسينه وحدتي وحدتي دمتي كما نين الاعيان == دمتي الروح والمهجه ودمتي مكينه* صل ياالله علا المختار مالمزن شنان == كلما يرعد الراعد وتمسي شنينه والتحيه للجميع اخوكم شرف الدين فاضل * *
__________________
  (( سلطان القوافي )) التعديل الأخير تم بواسطة شرف الدين فاضل ; 15-04-2012 الساعة 02:11 AM. |
||
|
|
| مواقع النشر (المفضلة) |
| الكلمات الدلالية (Tags) |
| مشرف , اليافعي , الدين , الجواب , الرابع , الشاعر , فاضل |
|
|
العرض الشجري