لاقلت احبك وش تقولين

يقولون الكلام اللي تستحي منه بـده
واستحي لاقلت احبك تقولي وبعديـن؟

لاصارت دمعه العاشق تعتلـي خـده
ويرسم احاسيسه مثل مانتـي تبيـن

ولاصار الحب مابينكم حـدك وحـده
وصرتي بعينه فـوق كـل المزاييـن

صرت انا وقلبـي بيـن صـده ورده
ندور وش يسعدك همنا بس ترضيـن

ماجبت لك شي جديـد غيـر المـوده
تجدد بقلبي كل يوم ولحظـه وحيـن

يابنت لي قلب لا حب لعن ابـو جـده
يعشقك عشق فوق مانتـي تتخيليـن

عطاك نبضه وغيرك بالبشـر صـده
لوتلفي الكون كلـه مثلـه مابتلقيـن

احترت في قلبي بيـن مزحـه وجـده
مره يحبك حب مثل حـب المجانيـن

ومره يعشقك والامنـه وصـل حـده
يبتسم ويقول لك آآآه ياليـت تدريـن

يقولون الكلام اللي تستحي منه بـده
وانا استحي لاقلت احبك وش تقولين ؟

انتقاء رائع كعادتك
يتمايل الياسمين شذى بجمال متصفحك
وتتراقص الورود متعطره بروعة مانقلته أناملك
لروحك أطيب الورد واكاليل الزهر

تسلم يالغلا على المرور الجميل

أبدعت اخوي وكلمات روعه
بحفظ الرحمن

تسلمي على المرور الجميل
اسعدني مرورك الجميل