قصيده تبكي اصحاب القلوب الرحيمه

قصيده لشاعره ترقد
في دارالمسنين تنثركل أحزانها بصوت الأمومه
لولدها االذي تركها في
الدار وبخل عليها بأضعف ماتريد ألا وهي رؤيته
فقدمت هذه القصيده لأحد
المشرفين الذين يقومون برعايتها لتقديمها إلى إبنها "حمدان"
يامسندي قلبي علي الدوم يطريك
ماغبت عن عيني وطيفك سمايا
هذي ثلاث سنين والعين تبكيك
ماشفت زولك زاير ياضنايا
تذكر حياتي يوم اشيلك واداريك
والاعبك دايم وتمشي ورايا
ترقد علي صوتي وحضني يدفيك
ماغيرك احد ساكن في حشايا
واليامرضت اسهر بقربك واداريك
ماذوق طعم النوم صبح ومسايا
ياماعطيتك من حناني وبعطيك
تكبر وتكبر بالأمل يامنايا
لكن خساره يبعتني اليوم وشفيك
واخلصت للزوجه وانا لي شقايا
اناادري انهاقاسيه ماتخليك
قالت عجوز ماأبيها معايا
خليتني وسط المصحه وانا ارجيك
هذا جزا المعروف وهذا جزايا
ياليتني خدامه بين اياديك
من شان اشوفك كل يوم برضايا
مشكور ياولدي وتشكر مساعيك
وادعي لك الله دايم بالهدايا
حمدان ياحمدان امك توصيك
اخاف من تلحق تشوف الوصايا
اوصيت دكتور المصحه بيعطيك
رسالتي واحروفها من بكايا
وان مت لاتبخل علي بدعاويك
واطلب لي الغفران وهذا رجايا
وامطر تراب القبر بدموع عينيك
ماعاد ينفعك الندم والعنايا