بنت اليمن

بنت ما في مثلها في البنات
رقة و طيبة وحنّية وعزم وثبات
با صرارها والطموح تبدع محل ما تروح
والعفة أجمل سمات

بنت اليمن من ورا (صنعاء) الي ما وراء الديس
تتبع خطا أروى وتنهج في الوفاء نهج بلقيس
عن دربها مستحيل تنزاح وإلا تميل
من صغرها للممات

بنت اليمن نور بسمة ثغرها والجبين
البدر يزعل إذا شافه ويخجل يبين
والشمس قبل المغيب غابت وهي ما تغيب
أروع وأحلى البنات

بنت اليمن دائم الأخلاق نبراسها
والطيب ياقوتها والحشمة الماسها
والتاج ما هو ذهـب كله وقار وأدب
من حيث راحت وجات

بنت اليمن حسنها الباهر يفوق الخيال
بين العذارى بها تزهى عروش الجمال
ما خاب فيها الأمل شفة تنقط عسل
صافي وسكر نبات

بنت اليمن بنت تتحدى جميع الصعاب
عن وصفها الحبر يعجز والقلم والكتاب
يا سيف بن ذي يزن بنتك حوت كل فن
وأبها الحلل والصفات