قصيده مرسله الى الشاعر ابو ريم اليافعي

المشاركة الأصلية كتبت بواسطة الشاعر يحي دهمش

السلام عليكم ورحمة الله وبركاته
تحيه طيبه من طيبه الطيبه من مدينة رسول الانام اهديكم افضل تحيه وازكى سلام
واقول لكم جمعه مباركه وكل عام وانتم واليمن بخير حفظ الله اليمن وادام امنه واستقراره

هذه القصيده موجهه الى الشاعر القدير ابو ريم اليافعي وهي كيبورديه مرتجله على الطاير

اقول فيها


ياالله ياعظيم الرجا ياعالم بما في الصدور= ياجبار يامنتقم ياعزيز ذو انتقام
انت الحي وانت الذي بك نبدا بكل الامور =جل الواحد المعتلي ذي هو ساهرا لا ينام
انت الفرد وانت الصمد بل انت العزيز الغفور = اغفر ذنب عبدك اذا لك سبح وصلى وصام
ثم بعد يامرسلي شل الخط واعبر بحور= من داخل ربى المملكه شله لا ربى ارض سام
لاعند الصديق الذي له في وسط قلبي قصور=مني له تحية وفا دامه له بقلبي مقام
بو ريم الصديق الوفي يانعم الصديق الجسور=شاعر عبقري محترم بل في قمة الاحترام
لكني وصلني خبر انه فيه بعض الغرور=بس مدري وش السالفه يابو ريم ايش الكلام؟
حذرتك وباحذرك من انك تلف وتدور = اسمعها من الدهمشي وافهم مقصدي ياغلام
القصه ومضمونها بشرحها بعدة سطور =اول بيت ياصاحبي ثورتكم عليها السلام
يعني راح مضمونها او ماتت اكلها النسور = وانته عاد ليلك سرى في الشارع مشكل زحام
يابو ريم ويش السبب ذي خلا الجماعه تثور =قلي ليش ياصاحبي وشهي قصة الاعتصام ؟
هل تقليد من حولهم في الساحه وتمثيل دور = والا هي قوى خارجه عن دستورنا والنظام
والا هم شوية فرغ من شلة مهند ونور = ام موضوعهم واقعي عن ثوره عليها الكلام
لو هي حسب ما يدعو كان الشعب كله يثور = مثل الثوره اللي مضت ذي طاحت بحكم الامام
والله ماحصل منهم يابو ريم غير الدبور = شفهم كيف بالجامعه ما خلو الاوادم تنام
شف في ساحة الجامعه تتخالط اناث وذكور = ما كن اختلاط النساء في نهج الشريعه حرام
بس احنا مع الشرعيه مبدانا بمر العصور = في صف الزعيم البطل ذي وحد يمنا وشام
مانختار غيره احد لو عشنا بحكمه دهور = انظر كيف خلا اليمن في فترة ثلاثين عام
هذا فصل اول مضى والثاني بفكري يدور =ما يحتاج تفسير لو مرينا مرور الكرام
وحدة شعبنا شامخه محميه بعشرين سور = يابو ريم لا تحلمو بعد اليوم بالانقسام
الوحده ترى عزنا والوحده سعاده ونور = قلي ايش ياصاحبي عكس النور غير الظلام؟
لو انته تحب الوطن اوعندك شوية شعور = حدد موقفك واعترف بالوحده وقلي تمام
واختمها بذكر النبي ذي يشفع بيوم النشور = صلى الله وسلم على سيدنا شفيع الانام


وسلامتكم
منتظر الرد من الشاعر اليافعي

الله الله الله

وربي اني قريتها مرتين ولم اقنع من ترديد ابياتها

قصائد ولد دهمش دائما ليس لها مثيل

شاعر عملاق يشق الصخر بأبياته

وامامه ايضاً شاعر مخضرم وهو ابو ريم اليافعي

صح لسانك يا ولد دهمش وعلا شانك ودام نبض هاجسك

ننتظر رد ابو ريم بفارغ الصبر

تحياااااااااتي وتقديري