لا انا عيسى وانتي مريم العذرا

كيفك إزعَل .. بس موكيفك تغيب
ولا تطوّل بـ الزّعَل ، إلا ثواني
أجرحِك وأرجَع بـ لحظتها الطبيب
مايداوي الجرح .. أي إنسان ثاني
لو تروح بـ داخلك أبقى القريب
باخذك كلّي معاي ، ومامداني :
أوعدِك ، ما أجرحك بس اللبيب :
يفهم إنّي ما أكرّرها وأعاني
غصب عنْك تحبّني ماهو بـ طيب
ما أبي أقول لك : خلّك مُكاني
حبّني لو كان بي مليون عيب
وإقلب الدنيا ومافيها عشاني
وإن جرحتك ياحبيبي لاتغيب
حتى جرحي له طعم ويّاك ثاني
إيه أناني فيك يـ أْكثر من حبيب
ومن لسانك صرت أحب كلمة أناني !

الله .........على الابداع و التميز ..
هنئيا لك أخي هذا الابداع .. وهنئا لنا بوجود قلما رااااائع كقلمك بيننا ..
سلمت يداك أخي..والله يعطيك الف عااافية ..
لك خالص احترامي وتقديري ....